- Ытыктабыллаах Айсен Сергеевич! Биир мындыр бөлүһүөк хаһан эрэ этэн турардаах: «Лиидэр дьону көҕүлүүр, санааларын өрө көтөҕөр уонна ис кыахтарын арыйан, толкуйдаабыттарын толору олоххо киллэрэргэ көмөлөһөр соруктаах», – диэн. Эн оруобуна, итиннэ этиллибитин курдук, бас-көс, тумус туттар лиидэрбит буолаҕын. Бары билэрбит курдук, Айсен Николаев айылҕаттан айдарыылаах салайааччы.
Төрөөбүт күҥҥэр сылаас уонна итии-истиҥ эҕэрдэ тылларын тиэрдэбин. Эн бэлиитикэ эйгэтигэр баай уопутуҥ, сыалы ситиһэр үтүө өрүтүҥ уонна ылыммыт соруктаргын тиһэҕэр тиэрдэр сатабылыҥ, ханнык баҕарар түгэннэргэ киһи быһыытынан дьоһунуҥ, эппит тылгын толороруҥ – саха норуотугар сарсыҥҥыга итэҕэли үксэтэр, эрэли үөскэтэр уонна үрдүк ситиһиилэри дабайарга көҕүлүүр. Биһиги эйигинэн киэн туттабыт, үтүө холобур оҥостобут. Үтүмэн үлэҕитин үрдүктүк сыаналыыбыт.
Баҕарабын нус бааччы олоҕу, тулаҥ барыта дьолунан туоллун, үөрүү-көтүү эҥээрдэстин, чэгиэн-чэбдик туругу, уйгу-быйаҥ олоҕу!
- 0
- 0
- 0
- 0
- 0
- 0