Оҕолор үлэни телеграмма анал былааҥкатыгар толорон баран, хаартыскаҕа түһэрэн, тэрийээччилэр электроннай почталарыгар 2021 сыл тохсунньу 7 күнүгэр диэри ыыталлар. Түмүк тохсунньу 13 күнүгэр тахсар. Кыайыылаахтары дьүүллүүр сүбэ быһаарар.
Телеграмма былааҥкатын минньигэс бэлэх иһиттэн ылаллар. Төрөппүттэр Саҥа дьылынан оҕолорун үөрдэн, бөлөҕүнэн, кылааһынан, бүтүн дьыссаатынан-оскуоланан сакаастыахтарын сөп. Идэлээх сойуустар, тэрилтэлэр, нэһилиэк-улуус дьаһалтара эмиэ кууһунан сакаастыахтарын сөп.
«Хас биирдии оҕо Саҥа дьыл бэлиэтин – минньигэс бэлэҕи -- хайаан да күүтэр. Ол үйэлээх үгэс буоллаҕа эбээт! Улахан да дьон ону өйдүүр. Билигин ырыынакка нобуор оҥорон атыылааччы дэлэй. Ол эрээри, билиҥҥи кэм сиэринэн, оҕоҕо анаммыт бэлэх сиэниллэр эрэ буолбакка, тутан хаалардаах, улахан тэрээһиҥҥэ кыттыһардаах буоллаҕына эрэ быдан кэрэхсэбиллээх буолар», – диэн санаатын үллэстэр куонкурус генеральнай спонсора, «Ини-бии Поповтар» кууһуунан атыы маҕыһыынын дириэктэрэ Николай Попов.
Балаһыанньа быһыытынан, оҕолор быйылгы сылга туох ситиһиилэммиттэрин, тулалыыр эйгэ сайдарыгар туох кылааты киллэрбиттэрин, кэлэр сылга былааннарын, баҕа санааларын, толкуйдарын (бырайыактарын) туһунан суруйуохтаахтар, төрөөбүт кыраайбыт сайдыытыгар сонун көрүүлэрин, этиилэрин тиэрдиэхтэрин сөп.
Дьүүллүүр сүбэ болҕомтотун үлэ ис хоһуунугар, тылын-өһүн хомоҕойугар, ырытар-толкуйдуур дьоҕуругар, сонун-сэргэх этиилэригэр, оҕо тус кылаатыгар уурар. Кырачаан оҕолор «ситиһиилэрин», «дьонноругар туһаларын», «туохха дьоҕурдаах буолуохтарын», «соһутар, үөрдэр түгэннэрин» туһунан төрөппүттэр сурайаллар, кырачааннар бэйэлэрэ уруһуйдаан киэргэтэн биэриэхтэрин син.
«Айар үлэ, оҕо сайдыытыгар туһуламмыт куонкурустар дьону үөрдэр, сырдыкка-үтүөҕэ көҕүлүүр буолуохтаахтар. Тоҕо спорка, ат сүүрдүүтүгэр, кэрэ куолар куонкурустарыгар эрэ улахан бириис оонньонуохтааҕый? Оҕо диэн өрөспүүбүлүкэбит кэскилэ буолбат дуо? Онон инникитин тэҥ кыах бэриллэрэ буоллар диэн санаалаахпыт», – диир сүрүн тэрийээччи, Саха Өрөспүүбүлүкэтин оҕолорун уопсастыбаннай холбоһуктарын сойууһун бэрэссэдээтэлэ Геннадий Охлопков.
Көҕүлээччилэр бэлиэтииллэринэн, куонкурус түмүгэр түөрт бөлөҕүнэн кыайыылаахтар ааттаныахтара уонна сыаналаах бириистэр бэриллиэхтэрэ. Бастыҥнар үлэлэрэ өрөспүүбүлүкэтээҕи «Кэскил» уонна «Юность Севера» оҕо хаһыаттарыгар бэчээттэниэҕэ.
I бөлөх (3 саастарыттан үөһэ): гран-при оҕо маҕаһыыныгар 50 тыһ. суумалаах сэртипикэит тутуоҕа, оттон 5 бастыҥ үлэлээхтэр ноутбугунан наҕараадаланыахтара;
II бөлөх (1-4 кылаас үөрэнээччилэрэ): оҕо хоһун миэбэлигэр 70 тыһ. суумалаах сэртипикээт уонна 5 ноутбук;
III бөлөх (5-8 кылаас үөрэнээччилэрэ): 12-с сериялаах айфон уонна 5 ноутбук;
IV бөлөх (9-11 кылаас үөрэнээччилэрэ): 100 тыһ. суумалаах үөрэххэ туһуламмыт стипендия уонна 5 ноутбук.
Бастыҥ үлэлээхтэр дипломунан, онтон бары кыттааччылар электроннай сэртипикээтинэн бэлиэтэниэхтэрэ.
Минньигэс бэлэх кууһунан атыытын сыаната (20 бэлэхтэн): 550, 750, 850 солкуобай.
Тэрийээччилэр куонкурус балаһыанньатын сиһилии ааҕаргытыгар ыҥыраллар, ыйытыы баар буоллаҕына, тэрийэр бөлөххө эрийэргитин күүтэллэр.
Инстаграм: @sakha_moroz_tg
Электроннай почта: Адрес электронной почты защищен от спам-ботов. Для просмотра адреса в вашем браузере должен быть включен Javascript.
Сайт: http://sakhamoroz.ru/
Ватсап нүөмэрэ: +7(914)2-717-747
-
0
-
0
-
0
-
0
-
0
-
0
