Бу тэрээһин чэрчитинэн, «Росмолодежи» граныгар куонкурус ыытыллыаҕа.
-Сүрүн сыалбыт креативнай экэниэмикэни уонна талааннаах ыччаты өйөөһүн. Биллэн турар, маннык ураты бэстибээли ыытыы, араас салаалартан эспиэртэри уонна идэлээх исписэлиистэри түмэр. Бастыҥнартан биһиги ыччаппыт уопут ылыа, дьоҕурун-талаанын көрдөрүө, саҥа идиэйэлэри киллэриэ, – диэн бэлиэтиир Айсен Николаев.
Быйыл бырагыраама 13 хайысхалаах: кинематография, анимация, IT, киберспорт, муода, суруналыыстыка, билим, экология. Чуолаан өй-санаа өттүнэн, духуобунай иитиигэ ыччакка ураты болҕомто ууруллуоҕа. Сыл саҕаланыаҕыттан бүтүн өрөспүүбүлүкэ үрдүнэн араас куонкурустар ыытыллыбыттара. Олор кыайыылаахтара уонна актыбыыстар бэстибээлгэ ыҥырылыннылар. Барыта 12 000-тан тахса киһи кыттыаҕа. Ону тэҥэ Уһук Илин уокурук, Москуба, Санкт-Петербург, Казань уонна Крым кыттааччыларыгар телемостар баар буолуохтара.
Бэстибээл туһунан сиһилии https://muusustar.ru билсиэххэ сөп.
Санаттахха, Уһук Илин уокурук үрдүнэн эрэ буолбакка, дойдуга саамай улахан бастакы тэрээһин буолар. Былырыын 18 тыһ. киһи кыттыбыта. Саха сирин ыччатын иннигэр аан дойду аһаҕас, кинилэр талааннара, кыахтара, күүстэрэ Саха сирин инники күөҥҥэ таһаарар.
Интэриэһинэй, тэттик, тэтимнээх сонуннары телеграм-ханаалга көрүҥ.
-
0
-
0
-
0
-
0
-
0
-
0
