Издательский дом Редакция Подписка
Погода в Якутске: . -12 oC

Икки сыллаах тохтобул кэнниттэн долгуйа күүппүт Туймаадабыт ыһыаҕа бэс ыйын 25-26 күннэригэр буолаары турар.

Икки сыллаах тохтобул кэнниттэн долгуйа күүппүт Туймаадабыт ыһыаҕа бэс ыйын 25-26 күннэригэр буолаары турар.

Ыһыах сүрүн тэрийээччилэриттэн биирдэстэрэ, Дьокуускай куорат култуураҕа уонна духуобунай сайдыыга управлениетын салайааччытын солбуйааччы Анна Каженкина «Саха» НИКХ «Бу Дьокуускай» биэриитигэр маннык кэпсээтэ:

– Икки күн устатыгар 19 түһүлгэнэн барыта 125 араас тэрээһин былааннанна. Тоҕо чуолаан «125» диир буоллахха, 100 сыыппара Саха Өрөспүүбүлүкэтин 100 сылын, 25 сыыппара Туймаадаҕа ыһыаҕа 25-с сылын ыһылларын бэлиэтииллэр. Ол иһин, 125 диэн сыыппараҕа тохтоотубут.

Ыһыах тэрээһиннэрин чэрчилэринэн сүүрбэттэн тахса күрэхтэһии былааннанна: уустар күрэхтэрэ, «Саха талба-мааны таҥаһа», «Кымыс айыы аһа» бэстибээл, «Чороон күрэҕэ» уо.д.а. Саҥа көрүҥ быһыытынан эдэр ыалларга анаммыт «Дьиэ кэргэн — олох төрдө» күрэхтэһии буолуоҕа.  Элбэх көрөөччүнү тардар туһугар сүрүн күрэхтэһиилэр киин түһүлгэҕэ ыытыллыахтара.

Итини таһынан эстрада сулустарын уонна ыҥырыылаах ыалдьыттар кэнсиэртэрэ буолуоҕа. Ыалдьыттарбыт – "ЮНЕСКО щедеврдэрэ Олоҥхо дойдутугар көрсүһүүлэрэ" Аан дойдутааҕы бэстибээл чэрчитинэн кэлбит дьон уонна Этно-Эрато Аан дойдутааҕы муода күрэһин кыттыылаахтара бэйэлэрин култуураларын көрдөрүөхтэрэ.

Үбүлүөйдээх ыһыаҕы көрсө Үс Хатыҥҥа киирэр муосталар, ипподром өрөмүөннэннилэр, спортивнай былаһааккаҕа олорор олбохтор уларытылыннылар, Күнү көрсөр сир сыҕарытылынна. Түһүлгэлэр ыйынньыктара саҥардылыннылар. Итини сэргэ тэрилтэлэр бэйэлэрин түһүлгэлэрин сөргүттүлэр, ыраастаатылар. Үс Хатыҥ Эбэ хотун барахсан ахтыбыт оҕолорун киэркэйэн көрсөр!

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23