Бу сыалга «ЯПАК» муниципальнай унитарнай тэрилтэ уонна «СоюзАвто» тэрилтэ 70 оптуобуһу бэлэмнээтилэр, ону таһынан саппааска эмиэ эбии оптуобустары туруорарга былааннаатылар. «СоюзАвто» оптуобустара «Медицинэ киинэ – 203 микрооройуон – Үс Хатыҥ – 203 микрооройуон – Медицинэ киинэ» хайысханан, «ЯПАК» МУТ оптуобустара «Автовокзал – Үс Хатыҥ – Автовокзал» хайысханан ыһыахчыттары таһыахтара.
Бэс ыйын 25 күнүгэр сарсыарда 6 чаастан саҕалаан, 5-7 мүнүүтэ арыттаахтык, киэһэ 9 чаастан 15-тии мүнүүтэ арыттаахтык сылдьыахтара. Бырайыас сыаната 50 солкуобай.
Оттон бэйэлэрэ массыыналаах дьоннор үс суолунан: Можайскай уонна Строд (Марха бөһ.) уулуссаларынан; Сэбиэскэй Аармыйа 50 сыла уонна Паромнай (Даркылаах) уонна Олег Кошевой аатынан уулуссанан (Марха бөһ.) айаннаан, Намныыр суолга киириэхтэрэ.
Маны таһынан, «ЯПАК» МУТ Үс Хатыҥҥа босхо шатллары сырытыннарыаҕа, бу көлөлөр куораттан кэлэр оптуобус тохтобулуттан Палаточнай куоракка диэри дьону таһыахтара диэн «Дьокуускай куорат» куораттааҕы уокурук дьаһалтата иһитиннэрэр.
-
0
-
0
-
0
-
0
-
0
-
0
