Бу туһунан Бырабыыталыстыба Бэрэссэдээтэлэ Андрей Тарасенко улууска оробуочай сырыытын түмүгэр эттэ.
– «Амматааҕы» аахсыйаламмыт уопсастыба бурдугу харайар саҥа ыскылааты туттарыгар өйөбүлүн иһин, бырабыыталыстыбаҕа махтанабыт. Бу биһиги биир сүрүн эбийиэкпит буолар. Бу боппуруоһу Бырабыыталыстыба Бэрэссэдээтэлин ааспыт сырыытыгар туруорсубуппут, быһаарыллан эрэр. Быйылгы ыһыыга тастан сиэмэ атыыласпатыбыт, былырыын үчүгэй үүнүүнү ылбыппыт, кэлэр да өттүгэр ити тэтими ыһыктыбат соругу туруорунабыт, – диэтэ Амма улууһун баһылыга Николай Архипов.
– Аммаҕа илин эҥээр улуустар баһылыктарын түмэн, видеокэмпириэнсийэ киэбинэн мунньахтаатыбыт, сааскы ыһыы үлэтин түмүктэрин, окко бэлэмнэнии туругун, ардахтатыы төһө көдьүүстээҕин туһунан кэпсэттибит. Тыа хаһаайыстыбатыгар, чуолаан үүт соҕотуопкатыгар, өйөбүл ырычааҕын тупсарарга кэккэ этиилэр киирдилэр. Олортон биирдэстэрэ бороһуок үүтүнэн астыыр тэрилтэлэри өйөөһүн буолар. Баһылыктар «Агростартап» куонкуруһугар граҥҥа хапсыбатах, үчүгэй түмүгү көрдөрөр кыахтаах бырайыактары өйүүргэ эттилэр. Олору тустаах биэдэмистибэлэри кытары үөрэтэн көрүөхпүт, – диэтэ Андрей Тарасенко.
Мүөттээх ыҥырыаны иитэр хаһаайыстыбалары өйүүр сыалтан, бырабыыталыстыба олохтоох дьаһалтаны кытары улууска мүөттээх ыҥырыаҕа идэтийэр племенной хаһаайыстыбаны тэрийэргэ, оттон түргэнник ситэр салааны сайыннарарга хаас иитэр пиэрмэни тутарга былааннаата. Бу туһунан Ил Дархан уонна Бырабыыталыстыба пресс-сулууспата иһитиннэрдэ.
-
0
-
0
-
0
-
0
-
0
-
0
