Неонацистартан босхоломмут территориялар Украина састаабыгар хаһан да төннүөхтэрэ суоҕа диэн биһиги дойдубут үрдүкү салалтатыгар үгүс киһи аһаҕастык этэр. Байыаннай дьайыылар уҕараатахтарына, Херсон уонна Запорожье уобаластара Арассыыйаҕа холбоһор туһунан референдуму ыытарга бэлэмнэр.
Арассыыйа Федерациятын тас дьыалаларга миниистирэ Сергей Лавров Америка уонна Европа Украина биһиэхэ кимэн киирэригэр анаан сэрии сэбинэн көмөлөһөллөр, онон бу эпэрээссийэ Луганскай уонна Донецкай уобаластары босхолооһунан эрэ бүтүө суоҕа, НАТО атын дойдулары кыһарыйан туран, бэйэтигэр куттал суох буолуутун күүһүрдэр диэтэ, альянс Европаҕа куттал суох буолуутун уонна бииргэ үлэлээһин тэрилтэтин чэрчитинэн түһэрсиллибит эбэһээтэлистибэни кэһэрин саралаата.
Украинаттан бурдугу тиэйэр-таһар туһунан кэпсэтэригэр Арассыыйа утары баран, бу сөбүлэһиигэ киирбитэ. Владимир Путин Индонезия лидерин кытары көрсүһүүгэ Москуба куттал суох буолуутун хааччыйары мэктиэлиирин эрэннэрэн туран, Украинаттан бурдугу таһаарарга Арассыыйа өттүттэн харгыстааһын суоҕун туһунан эттэ. Ити иһин мин этэбин – анал байыаннай эпэрээссийэ туохтан төрүттэммитин, Арассыыйа Федерацията уонна арҕааҥҥы дойдулар туох сыалы-соругу тутуһалларын аан дойду бүттүүнэ дьэҥкэтик өйдөөн эрэр.
Норуот дьокутаата Юрий Николаев
-
0
-
0
-
0
-
0
-
0
-
0
