Александр Акимов үлэни-хамнаһы билистэ
Издательский дом Редакция Подписка
Погода в Якутске: . -2 oC

Бу күннэргэ сенатор Александр Акимов уоппускатын кэмигэр төрөөбүт Сунтаарыгар кэлэ сылдьар.

Бу күннэргэ сенатор Александр Акимов уоппускатын кэмигэр төрөөбүт Сунтаарыгар кэлэ сылдьар.

Александр Константинович төһө да уоппускаҕа сырыттар, үгэс курдук улууһун дьонун-сэргэтин, олоҕун-дьаһаҕын билсэн барар үтүө үгэстээх. Бу да сырыыга оннук буолла.
Атырдьах ыйын 13 күнүгэр сенатор улууспут баһылыга Анатолий Григорьев арыаллааһынынан "Сунтарцеолит" ХЭТ бэйэтэ хостуур цеолитынан тутуу матырыйаалларын бэлэмниир сыахха сылдьан үлэни-хамнаһы билистэ, үлэһиттэри кытта көрүстэ. Тэрилтэ салайааччыта Петр Попов сыах үлэтин билиһиннэрдэ, баар балаһыанньаны, инники былааннары, күннээҕи кыһалҕалары сиһилии кэпсээтэ.
Сенатор барытын сирийэн көрөн, салайааччы этиитин болҕомтолоохтук истэн баран: “Маладьыастар, инникитин олус кэскиллээх үлэҕэ бэркэ тэринэн ылсыспыт эбиккит, кытаатыҥ, мин бэйэм өттүбүттэн туох кыалларынан көмө-ньыма буолуом”, -- диэтэ.

Акимов_--_2.jpg
Салгыы Александр Акимов Арассыыйа Үлэҕэ Дьоруойун, хомсомуол саҕаттан бэркэ билэр, бииргэ үлэлэспит үөлээннээҕин Владимир Африканович Михайловы көрсө Кириэстээххэ айаннаата. Кириэстээххэ үрдүк сололоох ыалдьыты "Кириэстээх" ТХПК салайааччыта Владимир Егоров, кини солбуйааччыта Иннокентий Васильев, улуустааҕы тыа хаһаайыстыбатын управлениетын начаалынньыга Владимир Анисимов, Кириэстээх нэһилиэгин баһылыга Александр Григорьев, тыа хаһаайыстыбатын бэтэрээнэ Горн Платонов "Кириэстээх" сопхуос тэриллибитэ 50 сылыгар анаан тутуллубут бэртээхэй оҥоһуулаах искибиэргэ көрсөллөр.

Акимов_--_3.jpg
Ол кэнниттэн хаһаайыстыба бааһыналарын көрө барыы буолар. Куокуну Табаҕатын киэҥ бааһыналарын үүнүүтэ муора долгунунуу долгулдьуйа бааллырара дьэ, чахчы даҕаны киһи хараҕын толорор үтүө, кэрэ, астык көстүү! Хаһаайыстыба салайааччыта Владимир Семенович үөрүүтүн кистээбэт. Бу соторутааҕыта диэри сатыылаан турбут кураан ыксаталыы сылдьыбыта, хата, кэлиҥҥи ардахтар олус туһалаатылар диир. Судан отун быыһыгар киирдэххэ, киһи букатын "сүтэн" хаалар эбит. Оннук өлгөмнүк үүммүт. Улуу Табаҕа бааһыналарын түөрэ эргийэн көрөн, үлэһиттэри кытта астына-дуоһуйа кэпсэтии буолла.

Акимов_--_5.jpg
Сырыы Үлэ Дьоруойа Владимир Михайлов үлэлиир Бордоҥ сайылыгар түмүктэннэ. Уруккуттан, инньэ хомсомуол саҕаттан үлэ боппуруоһунан бэркэ билсэр доҕордуулар көрсүһүүлэрэ бэрт истиҥник барда. Сайыҥҥы халлаан анныгар тардыллыбыт сандалы остуол хотойорунан барыта сахалыы, бэйэлэрэ оҥорон таһаарар бородууксуйаларыттан оҥоһуллубут, астаах-үөллээх Михайловтар остуолларын тула олорон истиҥ тыллаах эҕэрдэ, баҕа санаа бастыҥа Үлэ Дьоруойугар ананна.
Сенатор төрөөбүт улууһугар уйгу-быйаҥ өҥ сайын кэлэн сатыылаан турарыттан, үлэ дьонун үөрүүлэрин- көтүүлэрин тэҥҥэ үллэстэн, астынан барда.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости