Мунньахха Саха Өрөспүүбүлүкэтин Урбааҥҥа, эргиэҥҥэ уонна туризмҥа, Үөрэҕириигэ, Экэниэмикэҕэ, Бырамыысыланнаска уонна геологияҕа, Култуураҕа уонна духуобунай сайдыыга министиэристибэлэрин уонна судаарыстыбаннай тэрилтэлэр эппиэттээх үлэһиттэрэ кыттыыны ыллылар. Бастакы иһитиннэриини Сунтаар улууһун бүгүҥҥү балаһыанньатын уонна инники сайдыы кэскиллэрин туһунан иһитиннэриини улуус баһылыга Анатолий Григорьев оҥордо.
Салгыы сенатор Александр Акимов өрөспүүбүлүкэ эппиэттээх үлэһиттэрин иһитиннэриилэрин болҕойон истэн баран, араас ыйытыыларынан чуолкайдаста.Сорох ардыгар кытаанах да кэпсэтиилэр буолуталаан ыллылар. Александр Константинович, бу боростуой көннөрү мунньах буолбатах, бу өрөспүүбүлүкэбит Ил Дарханын сорудахтарын тула кэпсэтэбит диэн кытаанахтык этэр.
Министиэристибэлэр бэрэстэбиитэллэрин этиилэрин кэнниттэн Александр Акимов мунньаҕы түмүктээтэ. Өрөспүүбүлүкэ баһылыгын сорудахтарын толорууга кэккэ бытаарыылар баалларын, олору туоратыыга хамсатыылаах дьаһаллар ылыллаллара наадатын эттэ. Салгыы улуус тыа хаһаайыстыбатын (Владимир Анисимов), тутууга (Дмитрий Саввинов) уонна үөрэҕириигэ (Альберт Иванов) управлениеларын начаалынньыктарын этиилэрин иһиттэ.
Дьэ ити курдук сенатор Александр Акимов төрөөбүт улууһун сайдыытыгар Ил Дархан Айсен Николаев туруорбут сорудахтарын толорууга кэккэ уталытыллыбат соруктары туруорда.
-
0
-
0
-
0
-
0
-
0
-
0
