Издательский дом Редакция Подписка
Погода в Якутске: . -14 oC

Атырдьах ыйын 23-24 күннэригэр Саха Өрөспүүбүлүкэтин иитэр-үөрэтэр эйгэтин үлэһиттэрин атырдьах ыйынааҕы сүбэ мунньахтара ыытыллар. Пленарнай мунньахха оҥорбут дакылаатыгар үөрэх миниистирэ Ирина Любимова иитэр үлэ хайысхатыгар үөрэнээччи интэриэһин учуоттаабат дьаһаллары ыытыынан муҥурданар («педагогика мероприятий» диэн ааттанар) систиэмэттэн тэйэн, үөрэтии үлэтигэр дьүөрэлээн, иитэр-үөрэтэр үлэ кэлим тиһигин тэрийэр сорук турарын иһитиннэрдэ.

Атырдьах ыйын 23-24 күннэригэр Саха Өрөспүүбүлүкэтин иитэр-үөрэтэр эйгэтин үлэһиттэрин атырдьах ыйынааҕы сүбэ мунньахтара ыытыллар. Пленарнай мунньахха оҥорбут дакылаатыгар үөрэх миниистирэ Ирина Любимова иитэр үлэ хайысхатыгар үөрэнээччи интэриэһин учуоттаабат дьаһаллары ыытыынан муҥурданар («педагогика мероприятий» диэн ааттанар) систиэмэттэн тэйэн, үөрэтии үлэтигэр дьүөрэлээн, иитэр-үөрэтэр үлэ кэлим тиһигин тэрийэр сорук турарын иһитиннэрдэ.

«Арассыыйа Федерациятыгар үөрэхтээһин туһунан» федеральнай сокуоҥҥа үөрэх тэрилтэлэригэр иитэр үлэ бырагырааматын итиэннэ календарнай былаанын оҥорууга кэккэ уларытыылар киллэриллибиттэр. Ол быһыытынан, быйылгы 2022-2023 үөрэх сылыгар маннык саҕалааһыннар киллэриллэр буолбуттар:

1. Балаҕан ыйын 1 күнүттэн бары оскуолаларга уонна идэтийбит үөрэх кыһаларыгар үөрэх нэдиэлэтэ судаарыстыбаннай былааҕы көтөҕүүттэн уонна анал кылаас чаастарыттан саҕаланыаҕа. Кылаас чаастарыгар патриотизм, гражданскай иитии, история, сиэр-майгы, экология уо.д.а. тиэмэлэринэн бэсиэдэлэр ыытыллыахтара.

2. Өрөспүүбүлүкэ 484 оскуолатыгар «иитэр үлэҕэ итиэннэ оҕо уопсастыбаннай хамсааһынын үлэтигэр дириэктэр сүбэһитэ» диэн саҥа дуоһунас баар буолуоҕа. Бу дуоһунас «Арассыыйа Федерациятыгар гражданнары патриотическай иитии» федеральнай бырайыак чэрчитинэн киллэриллэр, онуоха 35 пилотнай эрэгийиэнтэн биирдэстэрэ – биһиги өрөспүүбүлүкэбит.

3. Ааспыт сыллартан үлэлээн кэлбит Үөрэнээччилэр хамсааһыннарыгар уонна «Юнармия», «Большая перемена», «Орлята России» бырайыактарга олоҕуран, Оҕо уонна ыччат Бүтүн Арассыыйатааҕы хамсааһына тэриллэр. Өрөспүүбүлүкэҕэ бу хамсааһыны тэрийиигэ улуустардааҕы оҕо хамсааһынын түмэр Оҕо өрөспүүбүлүкэтээҕи сэбиэтэ тирэх буолуоҕа итиэннэ тустаах министиэристибэлэр тардыллыахтара.

4. Оскуолаларга оҕо уопсастыбаннай тэрилтэлэрин сүрүннүүргэ Оҕо көҕүлээһинин кииннэрэ тэриллиэхтэрэ.

5. 2024 сылга оскуолаларга барыларыгар иитэр үлэни кэлимник тэрийэргэ тирэх буолар мусуойдар, тыйаатырдар баар буолуохтаахтар. Ону тэрийии үлэтэ быйылгыттан саҕаланар.

6. Хас биирдии оскуолаҕа уонна орто анал идэтийбит үөрэх тэрилтэлэригэр байыаннай-патриотическай кулууптар, чөл олох сиэрин тарҕатыыга спортивнай кулууптар тэриллэллэр.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23