Ол туһунан «Тымныы полюһа» кэпэрэтиип салайааччыта Екатерина Портнягина маннык кэпсиир:
– Дьааҥыга, уопсайынан хотугу сиргэ, ынах сүөһүнү иитэр ыарахан: ото да кыайтарбат, тиэйэр-таһар ороскуота олус улахан итиэннэ үлэһит илии да тиийбэт. Ону ол диэбэккэ, «Тымныы полюһа» кэпэрэтиип иһинэн тэриллибит «Алгыс» кэпэрэтиип ахсыс сылын үлэлээн кэллэ. Биир үксүн халаан уута кэлэн, ынахтарбытын сайылыктан Остуолбаҕа көһөрбүппүт, онтон ынахтарбыт сайылыктарыгар төннөөрү ууга хаайтаран, сүтэн эрэйдээбиттэрэ.
Үлэһиттэр кыһыны быһа өрөбүлэ суох үлэлиир буоланнар, сайын уоппускаҕа ыытан, сайылыкка үлэһит тиийбэтинэн сибээстээн, тутар этэрээт үс байыаһын пиэрмэҕэ үлэлииргэ көрдөспүтүм. Онно тута сөбүлэһэн, Амма, Нам уонна Уус Алдан улуустарыттан сылдьар Макеев Сергей, Цеев Николай уонна Поротов Альберт сайылыкка 24 күн устата ыанньыксыт, ньирэй көрөөччү уонна бостуук быһыытынан үтүө суобастаахтык үлэлээтилэр. Бэйэлэрэ да астыннылар, кэнники сүөһү иитииһибит диэн былааннаннылар.
Үөрэ-көтө үлэлээтилэр, ынахтарын сылгылаан сири-дойдуну кэрийдилэр, ынахтарын ыан, ньирэйдэрин аһатан түбүгүрдүлэр. Пиэрмэ биригэдьиирэ Татьяна Михайлова, кини кэргэнэ Петр Слепцов уонна биир бастыҥ үлэһиппит Федя Софронов оҕолорго настаабынньык буоллулар.
Үлэлээбит кэмнэригэр сүөсүһүттэри уосуьуттэрбэр даганы отчуттарбар даганы толору аагыстыбыт. Эһиил эмиэ кэлэн көмөлөһөөрүҥ диэн көрдөстүбүт. Ынахтар, ньирэйдэр уолаттары бары батыһа сылдьаллар, Харчылаах диэн ааттаах атыыр оҕус көҥүл мииннэрэр.
Оҕолорбутугар улахан махтал, үөрэххитигэр ситиһиини, доруобуйаны дьолу- саргыны баҕарабыт! Маладьыастарыҥ үлэлэрин быыһыгар Киһилээх хайатыгар сылдьан, көрөн, астынан, сүргэлэрэ көтөҕүллэн кэллилэр.
-
3
-
2
-
0
-
0
-
0
-
0
