Издательский дом Редакция Подписка
Погода в Якутске: . -12 oC

Дьааҥы дьоно барахсаттар сүөһүлэрин-сылгыларын кыстатар отторун хааччынар туһугар бэрт сыралаахтык оттуу сылдьаллар, ууну кэһэ сылдьан охсубут отторун салапаанынан кураанах сиргэ соһон таһааран куурдаллар.

Дьааҥы дьоно барахсаттар сүөһүлэрин-сылгыларын кыстатар отторун хааччынар туһугар бэрт сыралаахтык оттуу сылдьаллар, ууну кэһэ сылдьан охсубут отторун салапаанынан кураанах сиргэ соһон таһааран куурдаллар.

Улуус саамай бөдөҥ хаһаайыстыбата «Тымныы Полюһа» кэпэрэтиип Остуолба нэһилиэгэр Киэҥ Сыһыы диэн сиртэн ходуһа түүлэһэн оттуур. Атырдьах ыйын 12-13 күннэригэр кэпэрэтиип «Күүлэй-2022» күрэхтэһиини ыыппытын туһунан биһиги сырдатан турабыт. Атырдьах ыйын 27-28 күннэригэр иккис күүлэйин тэрийбитин туһунан хаһаайыстыба салайааччыта Екатерина Портнягина маннык кэпсиир:

– Мотуок уута ходуһаларбытын барытын ылан,  хайдах гынан кыстыыр оппутун булунарбытын сатаан санаабаппын да буоллар, халлаан адьас тымныйыар диэри ходуһаттан тахсыам суоҕа, төһө кыайарбынан оттоон көрүөм диибин. Сатахха ардах төрүт тохтоло суох түстэ, арыый үчүгэй күннэр турбуттара аҕыйах хонно. Дьэ ол күннэри өрүсүһэн, иккис күүлэйбитин тэрийдибит. 

ПХ_гуляй-_2.jpg

Онно түөрт хамаанда: Остуолба нэһилиэгин, Дьааҥы куоратын, Баатаҕай бөһүөлэгин уонна бэйэбит отчуттарбыт, барыта 26 киһи кыттынна.  Икки күннээх үлэ түмүгүнэн бастакы миэстэни Дьуһаал Горохов хапытааннаах Остуолба хамаандата ылла. Бу уолаттар кыра эрдэхтэриттэн төрөппүттэрин батыһа сылдьан үлэҕэ үөрэммит буоланнар, бэрт түргэн-тарҕан туттуулаах, кыайыылаах-хотуулаах үлэһиттэр. Биһиги күүлэйбитигэр сылын ахсын кытталлар уонна иннилэрин кимиэхэ да биэрбэттэр. Быйылгы бастакы күүлэйгэ эмиэ кинилэр бастаабыттара. Бу сырыыга 5,48 гектар сир отун охсон, харбаан биэрдилэр. 80 тыһыынча солкуобай харчынан бириэмийэлэннилэр.

ПХ_гуляй_4.jpg

Бэйэбит отчуттарбыт, ол эбэтэр «Тымныы полюһа» кэпэрэтиип хамаандата иккис миэстэни ылла. Герман Графов кэпэрэтиипкэ оттоһо сылдьар Дьааҥы куорат орто оскуолатын үөрэнээччилэрин – Слепцов Игоры, Бочкарев Славаны, Анисимов Артему (11-с кылаастар), Ткаченко Мишаны (10 кылаас) кытары хамаанда тэринэн киирэн, 3,59 гектар сир отун оҕустулар, харбаатылар. Кинилэр 60 тыһыынча солкуобай харчынан бириэмийэлэнэн, үөрүү-көтүү бөҕөлөрө! Бу оҕолор биһиэхэ сыл аайы оттоһоллор уонна күүлэйгэ эмиэ кытталлар. Тыа сирин үлэтин-хамнаһын үчүгэйдик баһылаатыар.

ПХ_гуляй_3_1.jpg

Үһүс миэстэни Сергей Окоемов хапытааннаах Дьааҥы куорат хамаандата ылла --  1,84 гектар сири оҕустулар уонна харбаатылар, 30 тыһыынча солкуобай харчынан бириэмийэлэннилэр.  Оттон төрдүс бочуоттаах миэстэҕэ Василий Слепцов хапытааннаах Баатаҕай бөһүөлэгин хамаандата 1,54 гектар сир отун охсон, харбаан ылла.

ПХ_гуляй_5.jpg

Күүлэйгэ кыттыбыт бары отчуттарга кэлэн көмөлөһөн барбыттарын иһин, ис сүрэхпититтэн махтанабыт. Икки күн иһигэр барыта 12,13 гектардаах ходуһа ото охсуллан, харбанна. Ити отугар таһаардахха, 18 туонна буолар. Күммүт-дьылбыт туран биэрдэҕинэ, мантан күһүн өссө биир күүлэйи ыытар былааннаахпыт. Онно кэлэн кыттаргытыгар ыҥырабыт!

  • 4
  • 0
  • 0
  • 0
  • 0
  • 0

Комментарии (1)

This comment was minimized by the moderator on the site

Дьааҥы дьоно барахсаттар, хаампыт сиргит хайах буоллун, сүүрбүт сиргит сүөгэй буоллун, ааспыт сиргит арыы буоллун, хоммут сиргит хоргун буоллун! Екатерина Портнягина хоһуун-хоодуот санааҕыттан сөхтүм, сүгүрүйдүм!

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением