Издательский дом Редакция Подписка
Погода в Якутске: . -12 oC

Бу күннэргэ Чурапчы улууһугар Көһөрүллүү 80 сылын чэрчитинэн, тустаах дьаһаллар ыытыллаллар. Бэҕэһээ Хайахсыкка Эдьигээн эбэҥки национальнай улууһун дэлэгээссийэтэ кэлэн барбытын туһунан биһиги уопсастыбаннай кэрэспэндьиэммит Мария Герасимова кэпсээтэ.

Бу күннэргэ Чурапчы улууһугар Көһөрүллүү 80 сылын чэрчитинэн, тустаах дьаһаллар ыытыллаллар. Бэҕэһээ Хайахсыкка Эдьигээн эбэҥки национальнай улууһун дэлэгээссийэтэ кэлэн барбытын туһунан биһиги уопсастыбаннай кэрэспэндьиэммит Мария Герасимова кэпсээтэ.

– Балаҕан ыйын 20 күнүгэр Хайахсыкка Эдьигээн эбэҥки национальнай улууһун баһылыга Василий Сорокин салайааччылаах дэлэгээссийэ, ол иһигэр улуус дьокутааттарын Сугулаанын бэрэссэдээтэлэ Юрий Шамаев, улуус баһылыгын социальнай боппуруостарга солбуйааччы Константин Овчинников, Кыстатыам нэһилиэгин баһылыга Сергей Корякин, Бэстээх нэһилиэгин баһылыга Петр Афанасьев, кэлэн ыалдьыттаатылар, нэһилиэнньэни кытары көрүстүлэр.

Хайахсыт_--_Тарас.jpg

Нэһилиэк баһылыга Тарас Тарасов ыалдьыттарыгар нэһилиэк олоҕун-дьаһаҕын туһунан кэпсээтэ, инники былааннарын билиһиннэрдэ. Көһөрүллүүгэ тиийбит Хайахсыт дьонун олохтоохтор үчүгэйдик көрсөн, туох кыалларынан көмөлөһө сатаабыттарын, онон өссө улахан сүтүк тахсыбатаҕын бэлиэтээтэ. Чуолаан оччолорго Эдьигээн райсэбиэтин бэрэссэдээтэлэ, ССРС Үрдүкү Сэбиэтин дьокутаата Николай Шемяков ыстаадалары кэрийэн кэлэн иһэн таарыйан, балаһыанньаларын көрөн-истэн баран, хас да хонукка өрөөн олорон, хоргуйан эрэр дьоҥҥо тус бэйэтин эппиэтинэһигэр абаансанан бурдук бэрдэрбитин, илими таҥан өрүскэ хайдах балыктыыры көрдөрбүтүн көһөрүллүүттэн эргиллэн кэлбиттэр мэлдьи махталлаахтык ахталларын, ол иһин киниэхэ анаан ураһалыы моһуоннаах өйдөбүнньүгү оҥорбуттарын туһунан кэпсээтэ.

Хайахсыт_--8_2.jpg

Эдьигээн эбэҥки национальнай улууһун баһылыга Василий Сорокин көһөрүллэн тиийбиттэртэн элбэх киһи, чуолаан кыргыттар, олохтоох уолаттарга кэргэн тахсан Эдьигээҥҥэ олохсуйбуттара, оҕо-уруу төрөтөн, үлэлээн-хамсаан, улуус сайдыытыгар бэйэлэрин кылааттарын киллэрбиттэрэ, биир дойдулаахтар түмсүүлэрин тэрийэн, Көһөрүллүү историятын үөрэтэргэ, үйэтитии үлэтин ыытарга тирэх буолбуттара, билигин ону кинилэр ыччаттара салгыыллар диэтэ.

Хайахсыт_--_4.jpg

Быйыл, Көһөрүллүү 80 сылын көрсө, "Албан ааттара үйэлэргэ умнуллубат!" диэн искибиэр оҥоһуллан, Кэриэстэбил күнүгэр, ол эбэтэр балаҕан ыйын 19 күнүгэр,  аһыллыбыта.  Дьоһуннаахай тутуу!  Стелаларга нэһилиэк историятын түһүмэх кэмнэрэ сылларынан аттарыллан, көмүс буукубаларынан суруллубут, 1941-1945 сс. сэрии, 1941-1946 сс. Көһөрүллүү уонна тыыл бэтэрээннэрин, харыларын күүһүнэн Улуу Кыайыыны уһансыбыт ытык-мааны дьоннорбут  мэтириэттэрэ олордуллубут.

Хайахсыт_--_Герас.jpg

Бу искибиэр киэн туттар биир дойдулаахпыт Афанасий Петрович Илларионов пааматынньыгын кытары холбоһон, хас даҕаны өйдөбүнньүгү түмпүт, Албан аат болуоссата диэн ааттанна. 

Хайахсыт_--_ромашка.jpg

Даҕатан эттэххэ, мин иллэрээ сыл тэлгэһэбиттэн ромашка сибэкки сиэмэлэрин илдьэн, Афанасий Петрович пааматынньыга турар сиригэр  ыһан бараммын, улуус киинигэр Чурапчыга киирбитим.  Дьэ ол сибэккилэрим барахсаттар быйылгы улахан кураан сайыны билиммэккэлэр, күн баччатыгар диэри үүнэ-чэлгийэ, пааматынньык түһүлгэтин толорон, сибэккилии ахан туралларын көрөммүн, олус диэн соһуйдум, үөрдүм, долгуйдум.

Хайахсыт_--_8_2.jpg

Хайахсыт нэһилиэгин биэс холкуоһуттан «Социализм суола», «Түмсүү» уонна «Буденнай» холкуостар (134 хаһаайыстыба, 406 киһи) Булуҥҥа уонна Эдьигээҥҥэ көһөрүллүбүттэрэ. Күһүҥҥү силбиги, хаары аннынан Эдьигээн Натааратыгар тиийбит Елена Васильевна, Петр Афанасьевич Илларионовтар дьиэ кэргэннэригэр 1942 сыллаахха, алтынньы 18 күнүгэр уол оҕо төрөөбүтэ. Саха Өрөспүүбүлүкэтин судаарыстыбаннаһа сайдарыгар, сүһүөҕэр турарыгар, бөҕөргүүрүгэр сыралаһан үлэлээбит биллиилээх юрист, поэт, тылбаасчыт, Ил Түмэн бастакы ыҥырыыга дьокутаата, Бэрэстэбиитэллэр Палааталарын Бэрэссэдээтэлэ Афанасий Илларионов (1942-1997) күн сиригэр итинник кэлбитэ. Кини сэрии сылларыгар Чурапчы 41 холкуоһун көһөрүү күүс өттүнэн ыытыллыбыта сокуонунан бигэргэнэрин ситиспитэ. Бэлэмнээбит уурааҕа олохтон барбытын кэннэ тахсыбыта.

Хайахсыт_--_уураах.jpg

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением