Ыраах учаастактарынан оттуур 228 мобильнай биригээдэ 41 189 туоннаны чөкөппүт (былааннара 53 339). Ити иһигэр, чурапчылар 9 542, аммалар 5 222, бүлүүлэр 3 070, таатталар 3 053, мэҥэ хаҥаластар 2 922, ньурбалар 2 140, хаҥаластар 1 290, горнайдар 1 885, уус алданнар 1 716, үөһээ бүлүүлэр 710 туоннаны оттообуттар. Бу биригээдэлэри тэрийии ороскуотун сорох чааһын толуйарга өрөспүүбүлүкэ бүддьүөтүттэн барыта 83 мөлүйүөн солкуобай харчы көрүллүбүтүттэн, 67,7 мөлүйүөн солкуобай харчы тустаахтарга тиэрдиллибит, хаалбыт харчы сотору ыытыллыахтаах.
Уус Маайа, Нам уонна Хаҥалас улуустара кыстыыр отторун хааччыммыттар, үгүстэр былааннарын 95-98 %-ын толорбуттар. Халаантан эмсэҕэлээбит улуустар күнү-дьылы аахсыбакка, харса суох үлэлээннэр, бу ыйга балачча оту эбиммиттэр. Ол түмүгэр, күн бүгүн Бүлүү улууһа 19 349 (былаана 27 689), Дьааҥы улууһа 4 417 (былаана 8 200), Кэбээйи улууһа 6 151 (былаана 14 000) туонна оттоохтор.
-
0
-
0
-
0
-
0
-
0
-
0
