Ол быһыытынан, пиэрмэр, биирдэм урбаанньыт грант харчытынан атыыласпыт тэрилин туһанар быраабы атын киһиэхэ салайыан сөп. Онуоха бааһынай (пиэрмэр) хаһаайыстыба саҥа баһылыгын кытары эбии дуогабар түһэрсиллэр. Өскөтүн пиэрмэр, биирдэм урбаанньыт ылбыт гранын харчытын толору кээмэйинэн тутта илик итиэннэ юридическэй сирэй, биирдэм урбаанньыт быһыытынан үлэтин тохтоторго быһаарыммыт буоллаҕына, грант бүддьүөккэ төннөрүллэр. Онуоха пиэрмэр, биирдэм урбаанньыт граны ылбыт докумуонугар этиллибит былааннаах көрдөрүү толоруллубатаҕын иһин эппиэтинэстэн босхолонор.
Оттон пиэрмэр, биирдэм урбаанньыт грант харчытын туттан бүтэрбит итиэннэ юридическэй сирэй, биирдэм урбаанньыт быһыытынан үлэтин тохтоторго быһаарыммыт буоллаҕына, хаһаайыстыбаны тэрийии, сайыннарыы бырайыага олоххо киллэриллибитинэн ааҕыллар, былааннаах көрдөрүү толоруллубатаҕын иһин эппиэтинэстэн босхолонор.
Итини таһынан, грант харчытынан атыылаһыллыбыт тэрили, тиэхьиникэни уо.д.а. «боломуочуйалаах уорган Арассыыйа Федерациятын сиригэр-уотугар тыа хаһаайыстыбатын табаарын оҥорорго үлэлиир тэрилтэҕэ харайыыга туттарыан сөп» диэн Арассыыйа Федерациятын Тыатын хаһаайыстыбатын министиэристибэтин сайта иһитиннэрэр.
-
1
-
0
-
0
-
0
-
0
-
0
