— Биһиги анал байыаннай эпэрээссийэҕэ сулууспалыы сылдьар уолаттарбытыгар «УАЗ» массыына туттардыбыт. Билигин бааһырбыт сулууспалааччылары, аһы үөлү, эми-тому, о.д.а. наадалаах соруктары суһаллык таһарга кыра габариттаах тиэхиньикэ наада. Сотору кэминэн тиэхиньикэ ыытыллыаҕа.
Дойду көмүскэлигэр туруммут дьоммутугар барҕа махтал, - диэн Иннокентий Вахтамеев социальнай ситимҥэ суруйда.
Бэлиэтээн эттэххэ, бу иннинэ дьокутаат доҕотторун кытта байыаннай сулууспалааччыларга анаан дрон уонна тепловизор атыылаһыыга үп-харчы хомуйуутун тэрийбитэ. Кини саас ДНӨ уонна ЛНӨ фронт аттынааҕы зонаҕа сылдьан, Бурятияттан сылдьар анал байыаннай эпэрээссийэҕэ кыттар байыаннайдары кытта көрсүспүтэ. Ону таһынан, Иннокентий Вахтамеев кыттыылаах быстах хомуурга ыҥырыллыбыттарга анаан, түөрт «КАМАЗ» гуманитарнай көмө хомуллубута. Кини көҕүлээһининэн, Улан-Удэ куоракка, саа-саадах, сэрии сэбин туһаныыга уонна бастакы мэдиссиинэ көмөтүн оҥорууга анал куурустар ыытыллыбыттара.
- 1
- 0
- 0
- 0
- 0
- 0