Издательский дом Редакция Подписка
Погода в Якутске: . 28 oC

2023 сылбыт хаhаайына илиңңи халандаарынан сахаларга чугас кыыл — Куобах, эбэтэр Хара Хоруолук сыла үүнээри турар. Сыл хаhаайына сэмэй, тосту-туора быhыыны, иирсээни сѳбүлээбэт кыыл. Хоруолук хара ѳңѳ "инь"диэн дьахтар эниэргийэтин бэлиэтэ буоларынан бу сыл дьахтар аймахха улахан суолталаах буолуоҕа. Оттон үлэлэринэн ситиhиилэниэн баҕарар дьоңңо иирсээңңэ киирбэккэ, эйэнэн дьыаланы быhаарсарга, дипломатияны олохтуурга сүбэлииллэр. Саңа сыл хаhаайына иллээх дьиэ кэргэн үѳскүүрүн, оҕо тѳрѳѳhүнүн уруйдуу эрэ кѳрсүѳҕэ.

2023 сылбыт хаhаайына илиңңи халандаарынан сахаларга чугас кыыл — Куобах, эбэтэр Хара Хоруолук сыла үүнээри турар. Сыл хаhаайына сэмэй, тосту-туора быhыыны, иирсээни сѳбүлээбэт кыыл. Хоруолук хара ѳңѳ "инь"диэн дьахтар эниэргийэтин бэлиэтэ буоларынан бу сыл дьахтар аймахха улахан суолталаах буолуоҕа. Оттон үлэлэринэн ситиhиилэниэн баҕарар дьоңңо иирсээңңэ киирбэккэ, эйэнэн дьыаланы быhаарсарга, дипломатияны олохтуурга сүбэлииллэр. Саңа сыл хаhаайына иллээх дьиэ кэргэн үѳскүүрүн, оҕо тѳрѳѳhүнүн уруйдуу эрэ кѳрсүѳҕэ.

Тугу таңнабыт?

Үүнэр сыл стихията уу буоларынан кэрэ аңардарга, Хара Хоруолук сылын кѳрсѳргѳ ѳң-дьүhүн арааhа дэлэй эбит. Ситиhиини тардар хара уонна хараңа халлаан күѳҕэ ѳңнѳрү, бороң, хартыыhа , күѳх от, кыhыллыңы ѳңнѳр бары барсаллар эбит. 2023 сылга күлүмүрдэс, кылабачыгас матырыйааллартан тигиллибит таңастар хаhан даҕаны инники күѳңңэ сылдьыахтара, арай дьиңнээх тирии уонна түүлээх киэргэллэртэн туттунуң.

Дьиэни уоту киэргэтэргэ биллэн турар толору симэммит күѳх харыйа оҕо аймаҕы үѳрдэ туруоҕа, натуральнай айылҕа матырыйаалларыттан оңоhуллубут киэргэллэри ыйыахха, остуолу хлопок, лен скатерынан сабыахха сѳп.

Саңа дьыллааҕы сандалыбыт

Саңа дьыл — дьиэ кэргэн бырааhынньыга. Доҕотторгутун кытта эмиэ ылыаххытын сѳп. Бырааhынньыктааҕы остуолга куобах, ынах этиттэн туттунан, балык, куурусса астары сэргэ, оҕуруот, фрукта аhын кыайа тутан баай сандалыны бэлэмниэххэ, убаҕас ѳттүгэр морс, хомпуот сок арааhын иhиэххэ, аhыы утахтан туттунан шампанскайынан кѳрсүѳххэ диэн астрологтар сүбэлииллэр.

Чугас дьоммутугар тугу бэлэх уунабыт?

Хара Хоруолук сылыгар бастың бэлэҕинэн натуральнай таңастар, дьиэҕэ туттуллар тэриллэр, ол иhигэр техника эмиэ чугас дьоңңутун үѳрдүѳхтэрэ, харчыны да бэлэх уунары утарбаттар эбит.

Саңа дьылы хайдах кѳрсѳҕүн да, сылың оннук ааhыа диэн этии эмиэ баар. Онон хас биирдиибит бу уоттаах-күѳстээх, чаҕылыйбыт бырааhынньыгы уратытык, сэргэхтик кѳрсѳргѳ кыhаллабыт, туох эрэ сырдыгы, кэрэни эрэнэ күүтэбит.

Ил-эйэ олохтоннун

Билигин биhиги бары дойдубутугар буола турар уустук балаhыанньа тохтууругар, уруккубут курдук эйэлээх олоххо, сырдык күннээх халлааңңа, үѳрэ-кѳтѳ, туохтан да куттаммакка олоруохпутун баҕарабыт, байыаннай дьайыыга сылдьар ыччат дьоммут этэңңэ эргиллэн дойдуларыгар кэлэллэрин эрэнэ күүтэбит.

Дьиэ кэргэн чуумпу олоҕун таптыыр Куобах Сыла оҕо баайдаах хас биирдии саха ыалыгар чуумпу дьолу, күүстээх санааны, тулууру уонна дьулууру, чэгиэн туругу бэлэхтиир.

Саңа дьылынан!

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Сылгы тумнастар бырдаҕа

Орто Халыма улууһугар иккис сылын хараан бырдах түһэн, сүөһүгэ, сылгыга олус ыарахан…
23.07.24 14:51