.jpg)
Кырыыса
Кырыыса сылыгар тѳрѳѳбүт дьону дьоллоох сыл күүтэр, үгүстэргэ дьиэ кэргэннэригэр эбиллии буолуоҕа. Ыарахаттар баар да буоллахтарына, улахана суох буолуохтара.
Оҕус
Оҕустар 2022 сылга тахсыылаахтык үлэлээбит буоланнар, саңа сылга ол үтүѳ түмүктэринэн туhаныахтара. Иирсээннэр уонна ыарахаттар таптал эйгэтигэр эрэ баар буолуохтарын сѳп, ону даҕаны Оҕус сылайбытыттан сылтаан. Холку кэпсэтии бары кыhалҕалары быhаарарын ѳйдѳѳң.
Тигр
2023 сыл эhиэхэ карьераҕытыгар саңа таhымңа тахсаргытыгар тирэх биэриэҕэ. Онуоха үлэни таптыахха уонна дьулуурдаах буолуохха наада. Тус сыhыаңңа барыта үчүгэй, арай бэйэҕит күнүүлээн аhара барымаң.
Хоруолук
Бэйэлээх бэйэҕит сылгытыгар барыта табыллар. 2023 сыл эhиэхэ баай-талым олоҕу, табыллыыны уонна саңа ситиhиилэри аҕалыаҕа. Быйыл ѳссѳ кытаанах сыhыаннары олохтуурга уонна кэргэннии буоларга бастың кэм.
Дракон
Хоруолук Драконнарга үчүгэйдик сыhыаннаhар уонна кинилэргэ карьераҕа уонна матырыйаалынай эйгэҕэ ситиhиилэри, дьиэ кэргэңңэ этэңңэ буолууну эрэннэрэр. Аңардас сылдьар Драконнар бу сылга тапталларын кѳрсүѳхтэрэ.
Эриэн үѳн
2023 сылга Эриэ үѳн лиидэр хаачыстыбалара хаhааңңытааҕар да күүскэ арыллыахтара. Онон үгүстэр үлэлэригэр дьиңнээх кѳңү кѳтүүнү оңоруохтара. Ордук үѳрэнэ сылдьааччылар табыллыахтара, элбэҕи билэн-кѳрѳн идэлэринэн саңа таhымңа тахсыахтара. Тус олох эмиэ ситиhиилээх буолуоҕа.
Ат
Аттары үлэлэригэр тыңааhыннаах түгэннэр күүтэллэр, ол кинилэри стресстэн чаҕыйбат уонна күүстээх гыныаҕа. Оттон ылбыт сатабыллара үрдүк позицияҕа тахсарга кѳмѳлѳhүѳҕэ. Аттар тус олохторугар үчүгэй уларыйыылар 2023 сыл иккис аңаарыттан буолуохтара.
Коза
2023 сылга Коза карьера кирилиэhинэн дьулусханнык ѳрѳ тахсыаҕа, ол эрэн ханнык эрэ үрдүк сололоох сирэйи кытта утары турсууга бэлэм буолуохха наада. Тус олохторугар сулумах Козалары тойомсук киhини кытта сыhыан күүтэр, ол судургута суох буолуо эрээри, дьоллоох сойууска кубулуйуоҕа.
Эбисийээнэ
Эбисийээнэлэр 2023 сылга карьералара олус ситиhиилээх буолуоҕа, онно, арааhа, кыахтаах настаабынньык кѳмѳлѳhүѳн сѳп. Ордук хос кыhаллан үлэлиир буоллаххытына, хамнаскыт үрдүүрэ саарбахтаммат.
Бѳтүүк
Быйыл Бѳтүүктэр сүрүннээн тус олохторугар уонна дьиэ кэргэннэригэр болҕомтолорун ууруохтара. Сыл устатыгар эhиги дьиэ кэргэңңитин кытта элбэхтик сынньаныаххыт. Оттон таптал туhунан этэр буоллахха, Бѳтүүктэри күүстээх санаалаах киhини кытта сыhыан күүтэр, арамаан олус тартарыылаах уонна имэңнээх буолуоҕа.
Ыт
2023 сыл Ыттарга элбэх уларыйыылары аҕалыаҕа. Үгүстэргэ олохторугар дьылҕаны талар түгэннэр буолуохтара. Ааспыт сылга дьыалабыай эйгэҕэ күүскэ ылсыбыт буоллаххытына, билигин тус олоххо ордук охтуоххут. Аңардарын кѳрсѳ иликтэр аналларын булуохтара, оттон дьиэ кэргэннээхтэргэ тапталларыгар иккис тыын киирбит курдук буолуоҕа.
Сибиинньэ
Бу сылга Сибиинньэлэр элбэхтик айанныахтара. Сорохторго үлэлэринэн уhун кэмнээх комнадировкаҕа баралларыгар сорудахтаныа. Онуоха сулумах ѳттүлэрэ олохторун тапталын айаннаан иhэн билсиэхтэрин сѳп. Ааспыт 2022 сылга үѳскээбит бары ыарахаттар быйыл симэлийэн сүтүѳхтэрэ.
-
1
-
0
-
0
-
0
-
0
-
0
