Издательский дом Редакция Подписка
Погода в Якутске: . -11 oC

Бастың педагог-уhуйааччыны, хас биирдии оройуоңңа уонна куоракка уопсастыбаннай тэрилтэлэр куонкуруска талан ылыыларыгар олоҕуран, аhаҕас куоластааhынынан социальнай ситимңэ быhаарыахтара. Кыайыылаахтар саха Сирин Баhылыгын бириэмийэтин Учуутал күнүгэр ылыахтара. Ол туhунан СѲ Баhылыгын уонна СѲ Бырабыыталыстыбатын пресс-сулууспата иhитиннэрэр.

Бастың педагог-уhуйааччыны, хас биирдии оройуоңңа уонна куоракка уопсастыбаннай тэрилтэлэр куонкуруска талан ылыыларыгар олоҕуран, аhаҕас куоластааhынынан социальнай ситимңэ быhаарыахтара. Кыайыылаахтар саха Сирин Баhылыгын бириэмийэтин Учуутал күнүгэр ылыахтара. Ол туhунан СѲ Баhылыгын уонна СѲ Бырабыыталыстыбатын пресс-сулууспата иhитиннэрэр.

Дойдуга 2023 сыл Педагог уонна уhуйааччы сылынан биллэриллэн турар. Арассыыйа Президенэ биллэрбит Сылын ѳйѳѳн, Саха Сирин Ил Дархана Айсен Николаев бастың 36 педагог-уhуйааччыларга 100 тыh. солк. кээмэйдээх бириэмийэни олохтуурун туhунан бэйэтин Туhаайыытыгар эппитэ.

РФ педагог уонна уhуйааччы Сылыгар уонна эрэгийиэңңэ Үлэ Сылыгар учуутал идэтин престиhин үрдэтэргэ туhуламмыт 60-тан тахса араас тэрээhин ыытыллара күүтүллэр.

Биир тутаах событиенан РФ норуодунай учуутала, Ѳрѳспүүбүлүкэтээҕи лицей-интэринээт физикаҕа учуутала Виктор Филиппович Потаповы чиэстээhин буолуоҕа.

Муниципальнай тэриллиилэргэ, үлэ кэлэктииптэригэр педагогтары наҕараадалааhын, педагогическай династиялары, педагогическай үлэ бэтэрээннэрин, уhуйааччылары, бастың учууталлары чиэстээhин ыытыллыаҕа.

«Тыа сирин оскуолата» педагогическай дьаарбаңка ѳрѳспүүбүлүкэ бары муниципалитеттарын хабыаҕа. Педагогтар профессиональнай компетенцияларын сайыннарыы тирээн турар боппуруостарыгар анаммыт үѳрэх форумнара, студенческай педагогическай этэрээттэр бэстибээллэрэ, «Профессия — учитель» сырдатар аахсыйа уо.д.а. тэрээhиннэр буолуохтара.

Дьокуускай к. үѳрэх хаачыстыбатын сыаналааhын боппуруостарыгар Рособрнадзор уонна тестированиелааhын Федеральнай киинин мунньаҕа былааннанар. 

«Земскэй учуутал» федеральнай бырагыраама чэрчитинэн 22 квота бигэргэнэн, докумуоннары тутуу тохсунньу 10 күнүттэн саҕаламмыта, муус устар 15 күнүгэр түмүктэниэҕэ. Билигин бырайыак порталыгар 22 сайаапка киирбит.

«Аартыка учуутала» бырайыак, итиэннэ Аартыка улуустарын уонна хоту улуустар оскуолаларын педагогтарын олорор дьиэнэн хааччыйыыга тэрээhин салҕаналлар.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением