Бэрт тупсаҕай оҥоһуулаах, 5 000 ахсаанынан тахсыбыт дьоһуннаахай кинигэҕэ ааптар араас сылларга суруйбут кэпсээннэрэ уонна «Кэмҥин түһэн биэримэ» диэн былырыын саас суруйбут сэһэнэ киллэриллибиттэр.
Нууччалыы тылбаастарын, үөрүөхпүт иннигэр, барытын бэйэбит дьоммут оҥорбуттар: биллиилээх тылбаасчыттар Аита Шапошникова, Алексей Амбросьев уонна Семен Феоктистов. Кинигэ таһыгар Антонина Шадрина хартыыната туруоруллубута киһи болҕомтотун тута тардар. Кинигэни Суруйааччылар интернациональнай сойуустара «Диалог» сиэрийэнэн, нуучча биллииллээх суруйааччыта уонна уопсастыбаннай диэйэтэлэ Василий Белов аатынан бириэмийэ чэрчитинэн таһаарбыт.
Кинигэ Дьокуускайга кэлэн, ааҕааччытын булан эрэр. Уус Маайа улууһуттан кэлэ сылдьар Надежда Прокопьева кинигэни номнуо ааҕан, сөбүлээн-биһирээн, маннык этэр (хайдах суруллубутунан уларыппакка биэрэбит):
-- С большим удовольствием прочитала сборник рассказов Бориса Кэм «Не предать время своё». Ощущается, что автор -- человек моего поколения, которое оказалось на стыке времен, на сломе государственных преобразований. Ведь мы -- это большая часть людей, которых сейчас презрительно называют «совками». Таким людям очень близко творчество Кэма, ведь он пишет о нас... Его герои очень добры, наивны, даже беспомощны, переживаешь за них, как за близких людей... Один из героев повести «Не предать время своё» Эркин жестоко пострадал за безобидный поступок, отсидел в тюрьме, но не ожесточился, даже духовно и морально окреп, а сколько молодых судеб было сломано? Такое сложное было время. Но ведь все испытания даются не зря, ведь другие герои повести живут в благополучии, но изменились внутренне -- Бааска Чириков, Джур, люди, предавшие своё время. Очень трогают светлые и грустные истории Кэма, подсмотренные из жизни. Будь то рассказ про автобус с именем Старик, или про будничный отстрел собак. Хочется пожелать Борису Ивановичу бесконечного вдохновения и неиссякаемого источника для его творчества.
Манна даҕатан Борис Павловы поэт быһыытынан ахтан ааһар тоҕоостоох. Кини – ураты поэт. Кини хоһоонноро омос көрдөххө бэрт судургу тыллаах-өстөөх курдуктар эрээри, күннээҕи судургуттан КЭРЭни булар ураты өйү-санааны саҕар, дириҥ иэйиини, бөлөһүөктүү анаарыыны үөскэтэр дьикти айымньылар. Холобур, «Күнү уһугуннарыы» хоһоонун ааҕыаҕыҥ.
КҮНҮ УҺУГУННАРЫЫ
Сарсыарда ким да иннинэ уһуктуом,
Оргууй туран үүттээх кофе оҥостуом,
Саҥа күнү сүрэхпинэн кэтэһэ
Эргэ кириэһилэбэр олоруом.
Халлаан сиигэ арыллыа тыаһа суох,
Сырдык туран кэлиэ
миигиттэн көҥүллэппэккэ эрэ,
Уһуктан кэлиэхтэрэ
аан дойду бары чыычаахтара,
Көҥүл ырыалаахтара,
чуор бэлэстээхтэрэ.
Ону кытта уһуктуохтара
мин саамай таптыыр дьоннорум,
Хаһан эрэ, ханна эрэ
көрсүөхтээх доҕотторум.
Кинилэр бары туспа
түбүктээх буолуохтара,
Эн бааргар отой да
кыһаллыахтара суоҕа,
Арай, эн күлүккэр үөрэ имнэниэҥ
Бу күнү мин уһугуннардым диэн.
Күндү доҕоттор, Борис Павлов-Кэм саҥа кинигэтин ылан ааҕыҥ уонна бэйэҕитигэр саҥа күнү уһугуннарыҥ итиэннэ ол күн сылааһын сүрэххитигэр илдьэ сылдьыҥ. Эрчимнээх эдэр сааскыт идеалларын таҥнарымаҥ, кэмҥитин түһэн биэримэҥ!
-
8
-
1
-
0
-
0
-
0
-
0
