Киһи соһуйуон да, үөрүөн да иннигэр, кэмиэдьийэҕэ оскуола оҕолоро оонньоотулар. Ол туһунан режиссер Светлана Очирова маннык кэпсиир:
-- Нуучча 18 үйэтин биллэр суруйааччытын “Недоросль” кэмиэдьийэтэ оскуола үөрэнээччилэрин толорууларыгар, норуот тыйаатырын сыанатыгар таҕыста. Манна А.И.Софронов-Алампа Софронов аатынан Ытык Күөл орто оскуолатын 10 “а” кылааһа бары кытынна. Кылаас салайааччыта Мария Анастасовна Габышевалыын төрөппүттэри кытта сүбэлэспиппит. Элбэх айымньыны сыымайдаан баран, Фонвизин айымньытыгар тохтообуппут.
Оҕолор ис сүрэхтэриттэн оонньоотулар, оруолларын толору арыйдылар. Кэмиэдьийэни туруорууга күүс-көмө буолбут дьоммор: улуустааҕы норуот аймньытын дьиэтин салайааччыта Г.Г.Вырдылиҥҥа, Таатта норуодунай тыйаатырын режиссера В.Ф.Бурнашеваҕа, худуоһунньук И.И.Малышевка, М.А.Габышеваҕа, төрөппүттэрбэр махтанабын.
Бу курдук, нуучча көмүс кэмин суруйааччыларын айымньылара инникитин даҕаны биһиги тыйаатырбытыгар туруоруллалларыгар эрэнэбит.
-
13
-
0
-
0
-
0
-
0
-
0
