Издательский дом Редакция Подписка
Погода в Якутске: . -5 oC

Кыһыҥҥы бытарҕан тымныыга, сааскы-күһүҥҥү хаайтарыыга, сайыҥҥы өҥүрүк куйааска аһаҕас халлаан анныгар, ыраах учаастактарынан базаланан сылдьан үлэлиир-хамсыыр сылгыһыттары өрө тутар сыалтан, 2016 сыллаахха тахсыбыт «Саха Өрөспүүбүлүкэтигэр сылгыны үөрдээн иитиини сайыннарыы дьаһалларын» туһунан ыйааҕынан, кулун тутар 21 күнэ өрөспүүбүлүкэҕэ Сылгыһыт күнүнэн бигэргэммитэ.

Кыһыҥҥы бытарҕан тымныыга, сааскы-күһүҥҥү хаайтарыыга, сайыҥҥы өҥүрүк куйааска аһаҕас халлаан анныгар, ыраах учаастактарынан базаланан сылдьан үлэлиир-хамсыыр сылгыһыттары өрө тутар сыалтан, 2016 сыллаахха тахсыбыт «Саха Өрөспүүбүлүкэтигэр сылгыны үөрдээн иитиини сайыннарыы дьаһалларын» туһунан ыйааҕынан, кулун тутар 21 күнэ өрөспүүбүлүкэҕэ Сылгыһыт күнүнэн бигэргэммитэ.

– Быйылгы Сылгыһыт өрөспүүбүлүкэтээҕи күнэ Аммаҕа, биллиилээх сылгыһыт, Социалистическай Үлэ Дьоруойа Тимофей Спиридонович Лукин төрөөбүтэ 110 сылын итиэннэ И.Я. Строд аатынан тыа хаһаайыстыбатын производственнай кэпэрэтиибэ федеральнай суолталаах сылгы собуотун аатын ылбытын бэлиэтээһин чэрчитинэн ыытыллар. Бу кэпэрэтиип 2022 с. өрөспүүбүлүкэҕэ племенной сүөһүнү-сылгыны иитии историятыгар бастакынан федеральнай сылгы собуота буолары ситистэ. Бүгүн Аммаҕа 15 улуустан итиэннэ Дьокуускайтан кыттааччылар, ол иһигэр сылгыһыттар, исписэлиистэр, учуонайдар кэлэннэр, регистрацияланнылар, оннуларын-тойдорун булуннулар. Сарсын сарсыардаттан дьон-сэргэ биһирэбилин ылбыт «Сылгыһыт күрэҕэ» күрэхтэһии, племенной сылгы уонна тыа хаһаайыстыбатын тиэхиньикэтин быыстапка-атыыта итиэннэ салааны сайыннарыы тирээн турар боппуруостарыгар анаммыт «төгүрүк остуол» ыытыллыахтара, «Сиртэн үүнээйини ылыыны сайыннарыы» хос бырагыраама чэрчитинэн тиэхиньикэлэри туттарыы сиэрэ-туома буолуоҕа, – диир тыа хаһаайыстыбатын миниистирин солбуйааччы Николай Афанасьев.

лошади.jpeg

Сылгыһыт күнүн бырагыраамата

Кулун тутар 21 күнэ, Амма сэл.

9.00-10.00 ч. – Сылгыһыт күнүн арыллыыта. Ыытыллар сирэ: Д.Трифонов аатынан ипподром.

10.00-14.00 ч. – Племенной сылгылар быыстапка-атыылара. Ыытыллар сирэ: Д. Трифонов аатынан ипподром.

10.00-15.00 ч. Тыа хаһаайыстыбатын тиэхиньикэтин быыстапка-атыыта. Ыытыллар сирэ: Амга сэл., Киренскэй уул. 11 №-э, «Автозапчасти» маҕаһыын.

10.00-12.30 ч. – «Сылгыһыт күрэҕэ» күрэхтэһии. Ыытыллар сирэ: Д.Трифонов аатынан ипподром.

12.30-13.00 ч. – «Сиртэн үүнээйини ылыыны сайыннарыы» хос бырагыраама чэрчитинэн тиэхиньикэлэри туттарыы. Ыытыллар сирэ: Д.Трифонов аатынан ипподром.

13.00-13.30 ч. – «Сылгыһыт күрэҕин» уонна племенной сылгылар быыстапка-атыыларын кыайыылаахтарын наҕараадалааһын.

15.00-17.00 ч. – Сылгыны иитии боппуруостарыгар анаммыт «төгүрүк остуол». Ыытыллар сирэ: Ф. Потапов аатынан Норуот айымньытын дьиэтэ.

Санатан эттэххэ, Сылгыһыт өрөспүүбүлүктээҕи күнэ 2017 сыллаахха Дьокуускайга (СГТХА базатыгар), 2018 сыллаахха Намҥа, 2019 сыллаахха Үөһээ Бүлүүгэ, 2020 сыллаахха Мэҥэ Хаҥаласка, 2021 сыллаахха Чурапчыга, 2022 сыллаахха Ньурбаҕа ыытыллыбыттара.

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением