Финальнай тэрээhиннэр С.Н. Донской-II аат. үѳрэхтээhини сайыннарар уонна квалификацияны үрдэтэр институт, «Глобальнай үѳрэхтээhин Киинэ» гимназия, Дьокуускайдааҕы Ю.А. Готовцев аат. сервис технологическай техникум уонна «Триумф» СК былассааккаларыгар муус устар 23-25 күннэригэр ыытыллаллар.
Онно ѳрѳспүүбүлүкэ 33 муниципальнай тэриллиилэрин хамаандаларын састаабыгар барыта 250-тан тахса эдэр педагогтар кытталлар.
Хамаандалар «МУУС УСТАР: Педагог будущего поколения» дьыалабыай оонньууга эрэгийиэн үѳрэхтээhинигэр саҥаны киллэрэр сыаллаах бырайыактарын кѳмүскүѳхтэрэ.
Эдэр педагогтары интэриэhинэй кѳрсүhүүлэр, туhалаах лиэксийэлэр уонна маастар-кылаастар күүтэллэр.
Маастар-кылаастары сертифицированнай бизнес-коуч, РосМолодежь элбэх ыччат былассааккаларын тэрийээччитэ уонна спикерэ Любовь Крысина, РФ үѳрэҕириигэ министиэристибэтин иhинэн үлэлиир блогер учууталлар экспертнэй холбоhуктарын чилиэнэ, «Большая перемена» кулууп координатора Юлия Медведева, «Учитель большой страны» куонкурус кыайыылааҕа, английскай тыл учуутала Наталья Смарыгина (Барнаул к.) уо.д.а. биэриэхтэрэ.
Оттон Дьокуускай куорат студеннарыгар уонна оскуолалар психолого-педагогическай кылаастарын үѳрэнээччилэригэр анаан «Территория «Молодые профессионалы» профориентационнай былассаакка үлэлиэҕэ.
-
0
-
0
-
0
-
0
-
0
-
0
