Сааскы ириэрии кэмигэр өрүһү туоруох иннинэ суол бэлиэтин өйдөөн көрүөххэ наада. Муус устун 20 км/ч бытааннык, тохтообокко, эмискэ туормастаабакка эрэ айанныахтааххын. Биир хайысханан айаннаан иһэр массыыналар икки ардылара 60-70 миэтэрэ арыттаах буолуохтаах.
Кыһыҥҥы суол сабыллыбытын кэннэ өрүһү туоруур суоппардары ыстарааптыахтара, чааһынай дьоҥҥо ыстараап кээмэйэ 3000-5000 солк., урбаанньыттарга 20 000 – 50 000 солк., юридическэй сирэйдэргэ 100 000 солк. – 1 мөл. солк.
Бэрээдэги кэһээччилэри видеокамера кэтиир уонна тустаах рейдэ оҥоһуллар.
«2023 с. бастакы кыбаарталыгар Дьокуускай куорат дьаһалтатын УГОЧС үлэһиттэрэ СӨ КоАП 9.10 ыстатыйатыгар олоҕуран, 242 боротокуол толордулар. Ол түмүгүнэн Административнай хамыыһыйа тимир көлө ыытааччыларын 631 000 солк. суумаҕа ыстарааптаата», — диэн билиһиннэрдэ Дьокуускай куорат уокуругун Административнай хамыыһыйа бэрэссэдээтэлэ Феликс Антонов.
Хаартыска ЯкутияИНФО сайтан ылылынна.
-
1
-
0
-
0
-
0
-
0
-
0
