Издательский дом Редакция Подписка
Погода в Якутске: . -12 oC

Сааскы сандаархай күн сардаҥаларынан арыалланан, Эйэ, Дьол, Үлэ эйгэтин дьоно-сэргэтэ сэргэхсийэр, тутум үрдүүр күннэрбитигэр аналлаах араас элбэх тэрээһиннэр ыытылыннылар.

Сааскы сандаархай күн сардаҥаларынан арыалланан, Эйэ, Дьол, Үлэ эйгэтин дьоно-сэргэтэ сэргэхсийэр, тутум үрдүүр күннэрбитигэр аналлаах араас элбэх тэрээһиннэр ыытылыннылар.


Арассыыйаҕа Педагог уонна наставник, өрөспүүбүлүкэҕэ Үлэ сылын чэрчилэринэн, ыам ыйын 1 күнүгэр  Хатастааҕы «Тускул» култуура киинин «Үйэ» аудиовизуальнай устуудьуйатыгар «Олох уустара» биэрии буолла. Маҥнайгы ыалдьыппыт – Владимир Егоров, физика уонна математика билимин кандидата, доцент, өрөспүүбүлүкэ Судаарыстыбыннай бириэмийэтин лауреата, үөрэҕириин үтүөлээх үлэһитэ, саахымат бэдэрээссийэтин бэрэсидьиэнэ. Дьылҕа Хаан ыйааҕынан ийэлээх аҕатын кытта киин Арассыыйа куораттарыгар олорбут, үөрэммит, үүммүт-сайдыбыт киһи төрүт удьуор хаана тардан, Сахатын сиригэр эргиллэн, үөрэхтээһин эйгэтигэр үлэлии-хамсыы сылдьар киһи кэпсээнэ сэргэх, киһини толкуйдатар, ырытарга, ыраҥалыырга олук уурар. Сэһэргэһиибит үөрэхтээһиҥҥэ күн бүгүн туох, ханнык, хаһан, тоҕо диэҥҥэ дьоҥҥо-сэргэҕэ тиийимтиэ-өйдөнүмтүө буолла. Ааспыт кэми билиҥҥини кытары алтыһыннаран, сайдыы-үүнүү суолугар турарга тугу ылыахпытын сөбүй диэн боппуруоска эппиэттиир үлэ-хамнас бара турарын үөрэ иһиттибит. Биһиги маҥнайгы Бэрэсидьиэммит Михаил Николаев сайдар саҕахтары арыйарга хас биирдии киһиэхэ баар буолуохтаах 5 хайысхатттан биирдэстэрэ саахымат буоларын ыйбыта. Владимир Егоров саахымыт өрөспүүбүлүкэтээҕи бэдэрээссийэтин бэрэсидьиэнэ буоларын быһыытынан, бу боппуруоска элбэх саҥа көрүүлэрдээх. Көрсүһүүлэр, кэпсэтиилэр үтүө түмүктэринэн, аан дойду таһымнаах күрэхтэһиилэр буолуталаатылар, онно үрдүк категориялаах, ааттаах-суоллаах саахыматчыттар кэлэннэр күрэхтэһии таһымын үрдэттилэр. Биһиги дойдулаах, сирдээх-уоттаах, ыччаттаах дьон бэйэбитигэр, Хатаска, сыһыаран үөрэҕирии өттүгэр туох көрүүлэрдээххиний диэн ыйытыкпытыгар эмиэ сиһилии эппиэттээтэ. Онон, Хатас оскуолата (дириэктэр Н.Слепцов) сөптөөх суолу тутуһан сылдьарын киэн тутта, астына иһиттибит. «Кэрэчээнэ» уһуйаан (Г. Николаева) оскуола иннинээҕи саастаах оҕолору сайыннарыыга сөптөөхтүк үлэлии сылдьаллара хайҕаллааҕын истэммит эмиэ үөрдүбүт.

о_у_-.jpg

Иккис ыалдьыппыт – уопсастыбанньык, салайааччы Алексей Осипов, «Агрогородок» түөлбэ салайааччыта, төрөппүт кэмитиэтин бэрэссэдээтэлэ, «Ситим» айымньы дьиэтин дириэктэрин солбуйааччы. Биэриибит үөрэҕириигэ ананарын быһыытынан, кэпсэтиини төрөппүт кэмитиэтиттэн саҕалаатыбыт. Түөрт уонча чилиэннээх кэмитиэт үлэтэ-хамнаһа киэҥ хабааһыннаах: маҥнайгы сүһүөх, орто сүһүөх, улахан сүһүөх кылаастар үөрэнээччилэрин интэриэһин көмүскүүр, учууталларага көмө-тирэх буолар. Билигин ордук чуолаан оскуолаҕа ыытылла турар хапытаалынай өрөмүөн уонна салҕааһын тутуута хайдах бара турарын сырдатта. Бу үлэлэр саҕаланыахтарын иннинэ төрөппүттэр оҕолорунаан өрөмүөн кэнниттэн оскуола хайдах көрүҥнээх, туох ис хоһоонноох буолан көрсөрүгэр бэйэлэрин этиилэрин киллэрбиттэрэ сонун хамсааһын буоллаҕа. Онтон бэйэтин үлэлиир тэрилтэтин үлэтин-хамнаһын сырдатта. Тус бэйэтэ салайан ыытар куруһуогар ордук улахан болҕомтону уол оҕону барыны бары сатыыр сатабыллаах хаһаайын, бэйэтигэр эрэллээх эр киһи гына иитэн таһаарыыга туһуланар эбит.
Дьэ ити курдук үлэ бырааһынньыгар үлэ дьонун кытары сэһэргэстибит. Бу биэриини «Тускул-видео» ютуб ханаалга көрүөххүтүн сөп.

  • 4
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением