Нэhилиэнньэҕэ байыаннай иирсээннэр эбэтэр бу иирсээннэртэн үѳскүүр куттал, итиэннэ айылҕа уонна техногеннай характердаах ыксаллаах ситуациялар тустарынан иhитиннэрэргэ бары тиийимтиэ тиэхиниичэскэй сириэстибэлэр туттуллар буолуохтара. Кинилэр хааччаҕа суох үлэлииллэригэр эрэгийиэннээҕи уонна муниципальнай былаастар, тэрилтэлэр салайааччылара эппиэтинэстээхтэр.
Иhитиннэрэр систиэмэлэр үлэлиир кыахтаахтарын сылга иккитэ – кулун тутар уонна алтынньы ыйдар бастакы сэрэдэлэригэр — бэрэбиэркэлиир буолуохтара. Онуоха сѳп түбэhэр сокуон бүгүн, ыам ыйын 4 күнүттэн күүhүгэр киирэр.
Маннык бэрэбиэркэлэр ыытыллалларын туhунан дьоҥҥо эрдэттэн сэрэтиллиэҕэ. Онуоха 3 мүнүүтэ устатыгар сирена тыаhаабытын кэнниттэн уулуссаҕа турар улаханнык саҥарар радио туочкаларыттан «Внимание всем!» сигнал иhиллэр, онтон салгыы: «Проводится проверка готовности системы оповещения населения! Просьба сохранять спокойствие» диэн иhитиннэрии оҥоhуллуоҕа. Эмиэ ити тиэкис ТВ уонна реклама экраннарыгар кѳстүѳҕэ, итиэннэ мобильнай телефоннарга кэлиэҕэ.
ЫБММ баhылыгын солбуйааччыта Алексей Серко Госдумаҕа бэйэтин этиитигэр: «Биhиги нэhилиэнньэни сүүс бырыhыан буолбатаҕына, баhыйар ѳттүн хабар кыаҕы биэрэр аныгы ньымаларга кѳhүѳхтээхпит. Дьон туох буола турарын билиэхтээх», — диэтэ. Кини этэринэн, биэдэмистибэ иhитиннэрии сыыппара ньымаларыгар кѳhѳргѳ бэлэм.
-
0
-
0
-
0
-
0
-
0
-
0
