Ыам ыйын 7 күнүгэр «Дьоруой Сулуһа» аахсыйаҕа кыттан, уһуйаан уонна оскуола оҕолоро 1941-1945 сс. Аҕа дойдуну көмүскүүр Улуу сэрии, тыылга үлэ тиэмэлэригэр анаммыт хоһооннору аахтылар.
Ыам ыйын 8 күнүгэр «Өйдөбүнньүк чүмэчитэ» аахсыйаҕа нэһилиэнньэ бүттүүнэ кытынна. Кыайыы пааматынньыгар сибэкки уурдулар, өйдөбүнньүк чүмэчилэрин уматтылар, хорсун буойуттар ааттарыгар сүгүрүйэн, саҥата суох соҥуоран турдулар.
Бүгүн сарсыардаттан олохтоох араадьыйанан байыаннай марштар, ырыалар ньиргийэллэр. Нэһилиэк ыччаттара 12 чаастан тыыл бэтэрээннэрин, сэрии сылларын оҕолорун дьиэлэринэн сылдьан Кыайыы күнүнэн эҕэрдэлиэхтэрэ, оскуола оҕолоро кырдьаҕастарга ырыа ыллыахтара, хоһоон ааҕыахтара.
Күнүс 15 чаастан «Кыайыыга кынаттыыр ырыалар» диэн күрэх ыытыллыаҕа, онно нэһилиэк оҕолоро, эдэр-эмэн дьоно-сэргэтэ бары кыттыахтара. Бу дьаһаллары «Биракан» култуура дьиэтин үлэһиттэрэ Галина Кирилловна уонна Иван Алексеевич Неустроевтар тэрийэн, иилээн-саҕалаан ыыталлар.
-
7
-
0
-
0
-
0
-
0
-
0
