Бу туһунан ыам ыйын 15 күнүгэр Дьокуускай куорат мэра Евгений Григорьев Өлүөнэ өрүс мууһун уонна халаан уутун куттала суох аһарыыга бары сулууспалар бэлэмнэрин туһунан дьүүллэһиигэ сүбэ мунньахха эттэ.
Дьокуускайдааҕы Гражданскай оборуона уонна ЫБММ управлениетын иһитиннэриитинэн, куорат уокуругун территорияларынан сааскы халаан уута Табаҕа, Хатаска, куорат таһынааҕы бөһүөлэктэргэ, Сыырдаах, Тулагы, Капитоновка, Хаҥалас уонна Даркылаах бөһүөлэктэрэ киирэрэ сабаҕаланар. Бу бөһүөлэктэр ууга барар кутталлаахтара сабаҕаланар.
Сүбэ мунньах кэмигэр уорганнар салайааччылара ууга барар кутталлаах зоналар уонна суһал ылыныллыбыт дьаһаллар тустарынан кэпсээтилэр. Ууга барар сабаҕаланар куорат таһынааҕы территориялар 326 олорор дьиэлээхтэр, онно 1043 киһи олорор, ол иһигэр оҕото - 294.
Санаттахха, Өлүөнэ өрүс бассейновай управление гидротехническэй тутууларын холбоһуктаах чинчийиитэ ыытылыбыта. Маны таһынан киин оройуоннарынан уу таһыма муҥутуур үрдээһинэ 50-90 см тиийбитэ биллэр.
- 1
- 0
- 0
- 0
- 0
- 0