Өрөспүүбүлүкэ салалтата, үлэ кэлэктииптэрин уонна уопсастыбаннас бэрэстэбиитэллэрэ, бэтэрээннэр сэбиэттэрин чилиэннэрэ, араас сыллардаах байыаннай дьайыылар кыттыылаахтара, «Эдэр армеецтар» уо.д.а. Арассыыйа Дьоруойдарыгар бэйэлэрин эҕэрдэлэрин тиэртилэр, санааларын үллэһиннилэр.
Валерий Лютый, Ил Түмэн дьокутаата, Бүтүн Арассыыйатааҕы норуот фронун эрэгийиэннээҕи толоруулаах кэмитиэтин салайааччы:
– Афганистан сэриитин кыттыылаахтара батсаапка бэйэбит бөлөхтөөхпүт, онно мин бэҕэһээ «Якутия — это звучит гордо!» диэн суруйбутум. Биһиги өрөспүүбүлүкэбититтэн анал байыаннай дьайыыга үс уол – Арасыыйа Дьоруойа! Ити түбэһиэхчэ буолбатах, бу уустук кэмнэргэ Саха сирин олохтоохторо хаһааҥҥытааҕар даҕаны сомоҕолостубут. Дьоруойдары чиэстиир үөрүүлээх миитиҥҥэ өрөспүүбүлүкэ норуодунай артыыһа Александр Емельянов поэтесса Валентина Комиссарова тылларыгар, Алексей Калининскай-Луҥха матыыбыгар саҥа ырыаны ыллаата. Онно «Якуты, русский и татарин -- великой Родины сыны!» – диэн тыллар бааллар. Хас биирдии тааҥкаҕа итинник хартыына! Арассыыйа билигин биир улахан тааҥка курдук – бу ыарахан кэмнэргэ араас омуктар бука бары биир экипаж кэриэтэ түмүстүбүт. Биһиги сэриигэ мэлдьи кыайар этибит, оннук да буола туруоҕа. Мин киэн туттабын Филипп Евсеев, Алексей Неустроев курдук уолаттарынан, кинилэр элбэхтэр. Билигин инники кирбиигэ сылдьааччыларга чэгиэн-чэбдик доруобуйаны баҕарабын. Кыайыы биһиэнэ буолуоҕа.
-
0
-
0
-
0
-
0
-
0
-
0
