Георгий Евдокимович Бессонов 1915 сыллаахха атырдьах ыйын 18 күнүгэр Үөһээ Бүлүү сэлиэнньэтигэр төрөөбүтэ. Олоҕун үөрэх эйгэтигэр анаабыта, пионер баһаатайынан, учууталынан, оскуола дириэктэринэн уонна оҕо дьиэтин салайааччытынан үлэлээн, өрөспүүбүлүкэҕэ үөрэҕирии систиэмэтин сайыннарыыга сүҥкэн кылаатын киллэрбитэ. Өрөспүүбүлүкэҕэ бастакынан «тыыннаах муннугу», кыраайы үөрэтэр түмэли, Ботаническай саады төрүттээбитэ. Саха АССР Үрдүкү Сэбиэтин дьокутаатынан икки ыҥырыыга (1950-1959), Сунтаар оройуоннааҕы сэбиэтин дьокутаатынан сэттэ ыҥырыыга талыллан, быыбардааччыларын накааһын чиэстээхтик толорбута.
Улуу Учуутал өр сыллаах айымньылаах үлэтэ сиэрдэээхтик сыаналанан, икки төгүл Ленин уордьанынан, Үлэ Кыһыл Знамятын уордьанынан, К.Д. Ушинскай мэтээлинэн наҕараадаламмыта, ССРС Үрдүкү Сэбиэтин Президиумун 1968 сыл от ыйын 1 күнүнээҕи Ыйааҕынан, Социалистическай Үлэ Дьоруойун үрдүк аатынан бэлиэтэммитэ.
Саха Өрөспүүбүлүкэтин XII ыҥырыылаах Үрдүкү Сэбиэтин Бэрэссэдээтэлин солбуйааччы, РФ Федерациятын Сэбиэтин чилиэнэ, бастакы уонна иккис ыҥырыылаах Ил Түмэн дьокутаата, бастакы ыҥырыыга Өрөспүүбүлүкэ Балаататын Бэрэссэдээтэлэ, М.К. Аммосов аатынан Саха Өрөспүүбүлүкэтин Судаарыстыбаннай Бириэмийэтин лауреата, норуот хаһаайыстыбатын үтүөлээх үлэһитэ Егор Михайлович Ларионов 1980-с сыллардаахха хомуньуус баартыйа Сунтаардааҕы райкуомун иккис сэкирэтээринэн үлэлиир сылларыгар Георгий Евдокимовиһы кытары бииргэ алтыспыт, дьиэ кэргэнинэн доҕордоспут кэмин туһунан истиҥ-иһирэх ахтыытын «Ил Түмэн» хаһыат бу нэдиэлэтээҕи нүөмэригэр ааҕыаххыт.
-
3
-
0
-
0
-
0
-
0
-
0
