Бу дьоһун тэрээһин Анал байыаннай дьайыы буойуттарыгар көмөлөһөр дьону бэйэтин тула түмтэ. Сүрүн болҕомто Арассыыйа Саха Сиринээҕи салаатын ураты эйгэлээх дьон конфедерациятын эмчиттэригэр уурулунна.
Ураты аналы толорор волонтердар дьулуурдаах, таһаарыылаах уонна үтүө түмүктэрдээх үлэлэрэ аан бастаан үрдүк таһымынан бэлиэтэннэ. Анал байыаннай дьайыы сиригэр - Украинаҕа икки сыл уолаттарбытын алгыс тылынан арчылыыр-араҥаччылыыр Арчыына - Мария Алексеева үлэтэ үрдүктүк сыаналанан, Саха Өрөспүүбүлүкэтин Бырабыыталыстыбатын Грамотатынан наҕараадаланна.
«Волонтерство сайдыытыгар кылаатын иһин» түөскэ кэтиллэр бэлиэнэн Людмила Макарова уонна Мария Оконешникова наҕараадаланнылар. Пуорум кэнниттэн Анал байыаннай дьайыы сиригэр төннүөн иннинэ, Арчыына маннык ураты тэрээһин суолтатын бэлиэтээтэ итиэннэ бу пуорум ураты үлэни толорор волонтердарга саҥа санааны сахпытын тоһоҕолоон эттэ.
– Ураты идэлээх дьон мустубут пуорумнара буолбутуттан бары үөрэбит. Бу тэрээһин биһиэхэ эрэ буолбакка, бары кыттааччыларга улахан суолталанна. Бары идэлээх эмчиттэр ааттарыттан сэмэй үлэбит үрдүк таһымҥа билиниллэн чиэстэммитинэн махталбытын тиэрдэбит, -- диэн эбэн эттэ Арчыына.
Хаартыскалары пуоруму тэрийээччилэр хааччыйдылар.
-
37
-
9
-
0
-
0
-
0
-
0
