Былаһаакка 100 сүөһүгэ анаммыт, 40 миэтэрэ усталаах, 10 миэтэрэ кэтиттээх тутуу. Манна «Саха сүөһүтүн» тэрилтэтин Намҥа, Горнайга уонна Мэҥэ Хаҥаласка баар салааларыттан 50 сүөһү аҕаллыбыт. Олору сэтинньи ортотугар диэри эбии аһатыыга зоотехник Очир Мухленов салалтатынан икки оробуочай үлэлиэхтэрэ. Сөп буолар ас-үөл хааччыллыбыт.
– Урут Аммаҕа ыччат сүөһүнү төлөһүтэр үлэ күүскэ ыытыллыбыта, эт соҕотуопкатыгар 450-460 киилэни үктүүр 18 ыйдаах тыһаҕастар туттарыллаллара. Үлэ үгэһэ салҕанар. Бу биһиги бастакы пилотнай бырайыакпыт, түмүгэ үчүгэй буоларыгар эрэнэбит, – диир «Саха сүөһүтэ» судаарыстыба хааһынатын тэрилтэтин салайааччы Александр Артемьев диэн тэрилтэ пресс-киинэ иһитиннэрэр.
Хаартыскаҕа Екатерина Захарова түһэриилэрэ.
-
0
-
0
-
0
-
0
-
0
-
0
