Барыта 16 сис кэмитиэт уонна биир хамыыһыйа баар буолла:
– Ил Түмэн судаарыстыба тутулугар уонна сокуону оҥорууга сис кэмитиэтэ;
– Ил Түмэн бүддьүөккэ, үпкэ, түһээн уонна сыана бэлиитикэтигэр, бас билии уонна приватизация боппуруостаргар сис кэмитиэтэ;
-- Ил Түмэн байыаннай сулууспалаахтар, бойобуой дьайыылар бэтэрээннэрин дьыалаларыгар, патриотическай иитиигэ уонна уопсастыбаннай тэрилтэлэргэ сис кэмитиэтэ;
--- Ил Түмэн олохтоох салайыныыга сис кэмитиэтэ;
– Ил Түмэн экэниэмикэ, инвестиция уонна бырамыысаланнас бэлиитикэтигэр сис кэмитиэтэ;
-- Ил Түмэн наукаҕа уонна үөрэххэ сис кэмитиэтэ;
-- Ил Түмэн доруобуйа харыстабылыгар сис кэмитиэтэ;
-- Ил Түмэн социальнай бэлиитикэҕэ, үлэҕэ уонна дьарыктаах буолууга сис кэмитиэтэ;
– Ил Түмэн тыа сиригэр уонна аграрнай бэлиитикэҕэ сис кэмитиэтэ;
– Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтэ;
-- Ил Түмэн тутууга, олох-дьаһах хомунаалынай хаһаайыстыбатыгар уонна энергетикаҕа сис кэмитиэтэ;
-- Ил Түмэн урбааҥҥа уонна туризмҥа сис кэмитиэтэ;
-- Ил Түмэн ыччат дьыалатыгар, физическэй култуураҕа уонна спортка сис кэмитиэтэ;
-- Ил Түмэн төрүт олохтоох, аҕыйах ахсааннаах хотугу омуктар боппуруостарыгар уонна Аартыка дьыалаларыгар сис кэмитиэтэ;
– Ил Түмэн култуураҕа уонна сонуну киэҥник тарҕатар ситимнэргэ сис кэмитиэтэ;
-- Ил Түмэн хонтуруоллуур кэмитиэтэ;
-- Ил Түмэн мандаакка уонна регламеҥҥа хамыыһыйата.
Ааспыт ыҥырыыга, сыыспат буоллахпына, 14 сис кэмитиэт уонна биир хамыыһыйа үлэлээбитэ. Билигин биир саҥа сис кэмитиэт (байыаннай сулууспалаахтар, бойобуой дьайыылар бэтэрээннэрин дьыалаларыгар, патриотическай иитиигэ уонна уопсастыбаннай тэрилтэлэргэ сис кэмитиэт) тэрилиннэ. Олус киэҥ эйгэни хабан үлэлээбит Наукаҕа, үөрэххэ, култуураҕа, сонуну киэҥник тарҕатар ситимнэргэ уонна уопсастыбаннай тэрилтэлэр дьыаларыгар сис кэмитиэт икки аҥы араарыллан, «Наукаҕа уонна үөрэххэ сис кэмитиэт» итиэннэ «Култуураҕа уонна уонна сонуну киэҥник тарҕатар ситимнэргэ сис кэмитиэт» диэн буолла, оттон уопсастыбаннай тэрилтэлэр дьыалалара саҥа тэриллибит сис кэмитиэккэ холбонно.
– Биир бэрэссэдээтэли солбуйааччы уонна икки кэмитиэт эбиллибитэ бүддьүөккэ охсууну оҥорбот дуо? – диэн норуот дьокутаата Владимир Федоров ыйытта.
Онуоха туох да хос ороскуот тахсыбата, хата, үс вице-спикер сис кэмитиэттэри эмиэ салайар буолбуттарынан, үп кэмчилэммитэ этилиннэ. Бүгүн күнүстэн киэһэ пленарнай мунньах салгыы ыытыллыаҕа, онно сис кэмитиэттэр бэрэссэдээтэллэрэ талыллыахтара, ханнык кэмитиэккэ кимнээх үлэлиилэрэ быһаарыллыаҕа.
-
3
-
0
-
0
-
0
-
0
-
0
