Ол туһунан «Сахаагроплем» исписэлииһэ, Саха Өрөспүүбүлүкэтин үтүөлээх зоотехнига Татьяна Протопопова маннык кэпсээтэ:
– «Чүүйэ» муниципальнай хаһаайыстыбаҕа кыстык этэҥҥэ баран иһэр эбит. Бу хаһаайыстыба ааспыт күһүн Калуга уобалаһыттан 60 симменталь боруода тиҥэһэни аҕалбыта. Олортон 28 тиҥэһэ төрөөн, ыата тураллар.
Бастакы ыйдааҕы хонтуруолунай ыам түмүгүнэн, 10-нуу киилэ үүтү ыаппыттар. Салгыы үчүгэйдик аһаттахха-сиэттэххэ, көрдөххө-иһиттэххэ, бу ынахтар сыл устатыгар биирдии бэйэлэрэ 2 500 киилэ үүтү холкутук биэрэр кыахтаах эбиттэр.
Пиэрмэни, сүөһүлэри көрүү-истии, күннээҕи үлэни-хамнаһы билсии түмүгүнэн, Алексей Жирков хаһаайыстыба кэлэктиибин, исписэлиистэри кытары атах тэпсэн олорон кэпсэттэ, элбэҕи сүбэлээтэ-амалаата. Ууһатыы хайысхатыгар «Сахагроплемтэн» исписэлиистэри ыытан көмөлөһүөх буолла. Өрөспүүбүлүкэ таһыттан симменталь боруода ынахтары аҕалан иитэр, үрдүк көрдөрүүлээх «Туймаада-Агрохолдинг» уонна Бүлүү улууһугар баар «Ампаардаах» хаһаайыстыбаларга сылдьан, кинилэр үлэлэрин билсэргэ, уопут атастаһарга сүбэлээтэ.
-
2
-
0
-
0
-
0
-
0
-
0
