Оҕолор киин иитээччилэрин, үлэһиттэрин көрүүтүгэр-истиитигэр сылдьыахтара, иллэҥ кэмнэрин туһалаахтык атаарыахтара.
“Берегиня” киин исписэлиистэрэ элбэх оҕолоох ийэҕэ, кыһалҕалаах кэмигэр ыйан-кэрдэн биэрэннэр, улахан өйөбүл буоллулар. Тустаах тэрилтэлэргэ сылдьан дьыалатын быһаарсарыгар, икки улахан оҕотун “Сосновый бор” лааҕырга тэрийэн киллэрэригэр сүбэ-ама буолан көмөлөстүлэр. Ону таһынан, бу дьиэ кэргэҥҥэ Жирков Дмитрий Семенович I Хомустаах оскуолатын 1991 сыллаахха бүтэрбит дьон аатыттан көмө харчы туттарда.
Киин дьиэ кэргэҥҥэ элбэх өҥөнү оҥорор. Биир көрүҥүнэн “Кризисная куойка” өҥө буолар. Ыксаллаах быһыыга-майгыга бу өҥө олус быһаарыылаах буолла. Ол курдук, саҥа төрөөбүт, уон хонуктаах оҕолоох ийэ икки оҕотунаан бу өҥөнөн туһанна. Ийэҕэ оҕолорун кытары тэҥҥэ сытар толору усулуобуйа тэрилиннэ, итии аһынан хааччылынна. Ыал ийэтэ манна киирэн уоскуйбутун, нус-хас буолбутун биллэрдэ, үлэһиттэргэ махтанна. Кинини кытары күннэтэ мэдэссиинэ үлэһитэ, психолог үлэлииллэр.
Сардаана ЛУКИНА, Алена ШЕЛКОВНИКОВА
-
1
-
0
-
0
-
0
-
0
-
0
