Издательский дом Редакция Подписка
Погода в Якутске: . 21 oC

Ил Түмэн пресс-сулууспата иһитиннэрэринэн, норуот дьокутааттара А. Д. Корнилов, С. Н. Давыдова, А. А. Григорьева, Н. В. Тимофеев, Г. П. Парахин, А. А. Тарасов, Д. В. Константинов «СӨ арыгыны розничнай атыылааһын усулуобуйатыгар, кэмигэр уонна миэстэтигэр эбии хааччахтааһыннар туһунан» сокуоҥҥа уларытыылары уонна эбиилэри киллэрэр сокуон барылын оҥордулар.

Ил Түмэн пресс-сулууспата иһитиннэрэринэн, норуот дьокутааттара А. Д. Корнилов, С. Н. Давыдова, А. А. Григорьева, Н. В. Тимофеев, Г. П. Парахин, А. А. Тарасов, Д. В. Константинов «СӨ арыгыны розничнай атыылааһын усулуобуйатыгар, кэмигэр уонна миэстэтигэр эбии хааччахтааһыннар туһунан» сокуоҥҥа уларытыылары уонна эбиилэри киллэрэр сокуон барылын оҥордулар.

Бу сыл муус устар 1 күнүттэн дойду үрдүнэн, элбэх кыбартыыралаах дьиэлэр тастарыгар уонна онтон чугастааҕы сиргэ турар уопсастыбаннай аһылык эбийиэктэригэр арыгы бородууксуйатын атыылааһыны сокуонунан бэрээдэктииргэ туһаайыллыбыт федеральнай сокуон күүһүн ылбыта.

Ил Түмэн испиикэрэ Алексей Еремеев, Саха Сиригэр саҥа боломуочуйалары олоххо киллэрэр сыалтан, Ил Түмэн урбааҥҥа уонна туризмҥа сис кэмитиэтин бэрэссэдээтэлин Алексей Корнилов салайааччылаах үлэ бөлөҕүн тэрийбитэ. Норуот дьокутааттарыттан, Урбаанньыттар бырааптарын көмүскүүр боломуочунайтан, Атыы-эргиэн уонна туризм министиэристибэтиттэн, онтон да атын интэриэстээхтэр дьонтон турар үлэ бөлөҕө үлэтин кулун тутар ыйтан саҕалаабыта.

Сокуон барылынан, пиибэни уонна пиибэлээх утахтары, сидраны, пуарены, медовуханы атыылыыр эрэстэрээннэргэ, баардарга, кафеларга, буфеттарга эрэ көҥүллэнэр. Элбэх кыбартыыралаах дьиэлэр тастарыгар уонна онтон чугастааҕы сиргэ турар уопсастыбаннай аһылык тэрилтэлэригэр киэһээ 22 чаастан сарсыарда 10 чааска диэри арыгы бородууксуйатын атыылыыр көҥүллэммэт.

Сокуон барыла киэһээтин уонна сарсыардатын уопсастыбаннай бэрээдэги хааччыйарга туһаайыллар, итиэннэ «Арассыыйа Федерациятыгар булгуччулаах ирдэбиллэр тустарынан» 3 №-дээх ФС 247-с ыстатыйатыгар көрүллүбүт булгуччулаах ирдэбиллэри тутуһуу быһыытынан, 2025 с. кулун тутар 1 күнүттэн күүһүгэр киириэҕэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением