Антонина Григорьева: “Биһиги сүрүн сорукпутунан РФ Бэрэсидьиэнэ Владимир Путин Федеральнай Мунньахха туһаайбыт соруктарын, СӨ Ил Дарханын Айсен Николаев СӨ Судаарыстыбаннай Мунньаҕар (Ил Түмэн) үөрэх уонна наука эйгэтигэр туһаайыытын уонна 2023 с. ахсынньы 30 күнүнээҕи 177 №-дээх “Саха Өрөспүүбүлүкэтин үөрэҕин биир кэлим тиһигин 2030 сылга диэри сайыннарыы туһунан” Ил Дархан ыйааҕын олоххо киллэрии этэ. Хомойуох иһин, үөһэ этиллибит сорудахтары олоххо киллэрии былаана толору туолбата, сорох пууннар өссө да көрүллэллэр, маныаха үлэҕэ бириэмэ, эбии ситэрии ирдэнэр”, - диэн чопчулаабыта уонна инникитин туох үлэ быһаарыыны ирдиирин бэлиэтээбитэ.
“Үлэлэһэрбит элбэх. Итиэннэ биһиги иннибитигэр турар соруктары барыларын ситиһии эһиги (педагогтар) кыттыгаһа суох, үөрэх тэрилтэлэрин, муниципалитеттар, эрэгийиэн таһымыгар чопчу толоруута суох кыаллыбат. Биһиги өрөспүүбүлүкэбит үөрэҕин тиһигэ мэлдьи саҥаны айааччыларынан, уһулуччулаах бэйэ айбыт методикаларынан, номоххо киирбит салайааччыларынан аатырара. Биһиги устуоруйа балаһыанньатын, аан дойду, Сэбиэскэй сойуус, Арассыыйа, эрэгийиэн бастыҥ уопутун учуоттуохтаахпыт. Хаачыстыбалаах үөрэх – бу уопсастыбаны сомоҕолуур, өрөспүүбүлүкэ туруктаах уонна куттала суох сайдыытын, инники кэскилин мэктиэлиир усулуобуйа”, - диэн Ил Түмэн сис кэмитиэтин бэрэссэдээтэлэ тылын түмүктээбитэ.
-
0
-
0
-
0
-
0
-
0
-
0
