Бу сүүрүүгэ 14 саастарытттан үөһэ саастаах, чэгиэн олох пропагандистара, усупуорду сэҥээрээччилэр, барыта 130 киһи, кытыннылар. Сүүрүү бырааһынньыга өбүгэ сиэринэн, арыылаах саламааты амсайыыттан, ис үөрэтин миинин, итии үүттээх чэйи иһииттэн саҕаланна. Сүүрүү географиятын кэҥэтэн Чурапчыттан 21, Мэҥэ Хаҥаластан биир, Дьокуускай куораттан икки сүүрүүк анаан кэлэн кытыннылар.
Маныаха ааттаах-суоллаах дойду, өрөспүүбүлүкэ таһымнаах маастардар, утумнаахтык дьарыктанааччылар: Дмитрий Степанов, Василий лукин, Эдуард Божедонов, Евдокия Каженкина, Ульяна Слепцова, Екатерина Драгунова, Володяя Холиогоров, Эрчимэн Драгунов, Георгий Кривошапкин кыттыылара, саха киһитэ уһун тыыннаах, кыахтаах буоларын бигэргэтэр.
Кыайыыга анаммыт сүүрүүгэ киэн туттар биир дойдулаахпыт, сэрии кэмин оҕото, успуорт бэтэрээнэ, чэпчэки атлетика пропагандиһа, бу көрүҥҥэ өрөспүүбүлүкэ маастара Филипп Гуляев кыттан, бүттүүммүтүгэр холобур буолла, үөртэ.
Сүүрүү улуус дьаһалтатын инниттэн 1100 м., 2200 м. биллэриллэн саҕаланна. Итиэннэ киини иилэ Ойуунускай, Софронов, Кулаковскай, Ленин уулуссаларынан сүүрэннэр, лиссиэйи эргийэн түмүктээтилэр.
Бу курдук Кыайыы көтөлүнэн кынаттаммыт Таатта сүүрүүтэ, олус долгутуулаахтык, көтөҕүүлээхтик ааста. Түмүккэ бары кыттааччылар саха төрүт көрүҥнэригэр “Манчаары оонньууларыгар” ыҥырыыны таһаардылар, Оонньуулар барыыларын өйүүллэрин биллэрдилэр.
-
11
-
2
-
0
-
0
-
0
-
0
