Бу туһунан «Саха Өрөспүүбүлүкэтин быыһааччыларын сулууспата» судаарыстыба бүддьүөтүн тэрилтэтин начаалынньыгын солбуйааччы Вадим Шадрин иһитиннэрдэ.
– Халыма өрүс ураты хонтуруолга тутуллар. Бэҕэһээ Баан учаастагар мууһу дэлби тэптэрии үлэтэ ыытыллан, Орто Халыма куорат аннынан уу таһыма түстэ, бу сарсыарда 1077 см буолла, кутталлаах кирбии – 1200 см. Көмүөл ааһар кэмигэр өрүстэргэ көһө сылдьар оробуочай бөлөхтөр үлэлии-хамсыы сылдьаллар, үөскүүр боппуруостар тута быһаарыллан иһэллэр, -- диэтэ Вадим Шадрин.
Өлүөнэ өрүскэ көмүөл билигин Эдьигээн улууһунан устар. Дьааҥы өрүс көмүөлүн үөһээҥҥи кырыыта Дьааҥы улууһун Сайдыы нэһилиэгин, алын кырыыта Усуйаана улууһун Усть-Куйга бөһүөлэгин аннынан устар. Индигир өрүскэ көмүөл Абый уонна Муома улуустарынан устар. Өлөөн өрүс көмүөлэ Өлөөн сэлиэнньэтин аннынан устар, мууһа орто. Бу туһунан Ил Дархан уонна Бырабыыталыстыба пресс-сулууспата иһитинэрэр.
Хаартыска: sakha.gov.ru
-
0
-
0
-
0
-
0
-
0
-
0
