Биһиги, Ытык Күөл орто оскуолатын 1983 сыллаахха бүтэрбитттэр, төрөөбүт дойдубутугар Ытык Тааттаҕа ХХII «Манчаары оонньуулара» ыытылларынан үөрэбит, астынабыт.
– Бу Оонньуулары көрсө тугу оҥоробутуй? – диэн сүбэлэһэн бараммыт, Таатта түмэл территориятыгар миэстэ анатан ылбыппыт. Былырыын, 1974 сыллаах выпустар, оскуоланы бүтэрбиттэрэ 50 сылыгар мангальнай зона бэлэх ууммуттара. Оттон, биһиги, дьон дуоһуйа сынньаннын, сөрүүкээтин диэн, бэсиэккэ оҥорон бэлэхтээтибит.
«Манчаары оонньууларыгар» элбэх ыалдьыт кэлэрэ күүтүллэр. Ыалдьыттарбыт улууспут дириҥ устуоруйатын билсиэхтэрэ. Кэрэ-бэлиэ миэстэлэрин көрүөхтэрэ. Биир үтүө күн түмсэн, түмэл кэлэктиибигэр бэсиэккэбитин үөрүүлээх быһыыга-майгыга туттардыбыт.
Өрөспүүбүлүкэбит олохтоохторун бука барыгытын Ытык Таатта устуоруйатын, улуу дьоммут тустарынан сиһилии билсэ, аһаҕас халлаан анныгар турар кэрэ айылҕалаах «Таатта» түмэли көрөргүтүгэр ыҥырабыт.
-
8
-
0
-
0
-
0
-
0
-
0
