Кини манныгы кэпсиир:
-- Биһиги Тааттабытыгар Манчаары оонньуулара буолара наһаа күүтүүлээх этэ. Маныаха, үтүө көмөһүттэр хамсааһыннарыгар уопут ылаарыбын үлэлии киирдим. Биһиги Оонньуу кыттыылаахтарын, ыалдьыттарын ыйан-кэрдэн сирдиибит, көмөлөһөбүт.
Эрдэ биһигини бэлэмнээбиттэрэ. Ол курдук, бастакы суһал көмөнү оҥорорго үөрэппиттэрэ, ыксаллаах түгэннэргэ хайдах быһыыланарбытын кэпсээбиттэрэ, оонньуу устуоруйатын билиһиннэрбиттэрэ. Мин эрдэттэн Манчаары оонньууларын устуоруйатын билэр этим. Бастакы күҥҥэ наһаа долгутуулаах этэ, онтон сарсыҥҥы күнүттэн, күрэхтэһии саҕаланыаҕыттан, үлэбит хайдаҕын дьэ билэн эрэбит. Мин успуорт эбийиэгэр, хапсаҕай хайысхатыгар үлэлиибин, о.э. күрэсчиттэри арыаллыыбын. Биһигиттэн ураты аккредитацияҕа үлэлиир үтүө көмөһүттэр Оонньуу ыалдыттарыгар көмөлөһөллөр. Итиэннэ «хостестар» диэннэр бааллар. Кинилэр күрэсчиттэри наҕараадалааһыҥҥа үлэлииллэр. Манна Саха Сириттэн барытыттан оҕолор, устудьуоннар, улахан да дьон үлэлии кэлбиттэр. Саамай саастаах үтүө көмөһүппүт 67 саастаах. Онон элбэх киһини кытта билистим, доҕордостум.
Антонина НЕУСТРОЕВА
Хаартыскалар: Д. Максимова тиксэрдэ уонна ms14.ru
-
1
-
0
-
0
-
0
-
0
-
0
