Дьоруой паартата Анал байыаннай дьайыыга төрөөбүт дойдутун туһугар бэриниилээхтик охсуһа сылдьан олоҕун толук уурбут «Баһаарынньык-22» бөлөх выпускнига Симон Лукинов сырдык кэриэһигэр ананна.
Тэрээһини холбоһук дириэктэрэ Л.А. Афанасьева саҕалаата. Кини маннык хорсун үөрэнээччилэрдээхпитинэн киэн туттарын бэлиэтээн эттэ. Салгыы Орто Амма нэһилиэгин дьаһалтатын баһылыга А.И.Кулачиков, Анал байыаннай дьайыы кыттыылааҕа С.И. Шараборин, бэтэрээн учуутал Г.Г. Сорова тыл эттилэр. Холобур буолар дьоһун уолбут аата куруук ааттана, бу паарта биһиги Симоммытын куруук саната туруо диэтилэр. Түргэнник эйэлээх олох туругуруон баҕардылар.
Тэрээһини В.С Кривошапкина салайар «Харбалаах уоланнара» бөлөҕө «Улуу Ильмень» хоһоонунан ситэрэн биэрдилэр.
Симон Лукинов биир дойдулаахтара Ньурба Дьиикимдэтиттэн быһа холбонон, уолларынан киэн тутталларын уонна киниэхэ аналлаах паарта арыллыбытыгар, үйэтитиигэ үлэ барарыгар махтанан тыл эттилэр.
Лиссиэй устудьуоннара, холбоһук үөрэнээччилэрэ бу ытык миэстэни куруук көрө-истэ, сүгүрүйэ сылдьыахтара диэн эрэнэбит.
Симон Лукинов хорсун быһыыта Аҕа дойдуга бэриниилээх буолуу үтүө холобура буолан, үрдүккэ угуйа, ыҥыра туруоҕа!
Снежана Халыева, Валентина Кривошапкина, Харбалаахтааҕы үөрэхтээһин холбоһуга, Таатта.
-
2
-
0
-
0
-
0
-
0
-
0
