Бырабыыталыстыба бэрэссэдээтэлин солбуйааччы Сергей Местников салайааччылаах тэрийэр хамыыһыйа куонкурус балаһыанньатын бигэргэттэ. Онон, 18-ыттан 35-игэр диэри саастаах оһуокайдьыттар үс туурунан күрэхтэһиэхтэрэ.
Бастакы туур муус устар 15--25 күннэригэр нэһилиэктэргэ, иккис туур ыам ыйын 5 – 10 күннэригэр улуустар кииннэригэр, куораттарга ыытыллыаҕа. Кыайыылахтар үһүс туурга көрүсүһүөхтэрэ, сайаапканы улуустардааҕы култуура управлениелара ыам ыйын 20 күнүгэр диэри Өксөкүлээх Өлөксөй аатынан Норуоттар доҕордоһууларын дьиэтигэр ыыталлар.
Үһүс туур уонна кыайыылаахтары чиэстээһин ыам ыйын 22 күнүгэр, Оһуокай күнүгэр Дьокуускай куоракка буолуоҕа. Санатан эттэххэ, былырыын икки бастакы туурга 2 594 этээччи, финалга 11 улуустан 35 этээччи кыттыбыта диэн Ил Дархан уонна Бырабыыталыстыба пресс-сулууспата иһитиннэрэр.
Хаартыска: тустаах саайтан.
-
0
-
0
-
0
-
0
-
0
-
0
