Бу күн министиэристибэ аактабай саалатыгар мустубут бэтэрээннэри, министиэристибэ араас салааларыгар өр сылларга үлэлээн бочуоттаах сынньалаҥҥа тахсыбыт кырдьаҕас исписэлиистэри миниистири солбуйааччы Айаал Тимофеев, бэтэрээннэр Сүбэлэрин салайааччы Розаида Гудуева эҕэрдэлээтилэр.
Министиэристибэ бэтэрээннэрин Сүбэтин актыыба бэтэрээннэр бэйэлэрин сайылыктарыгар сайын устата үүннэрбит оҕуруоттарын аһын хомуурун итиэннэ оҕуруот аһыттан бүлүүдэлэри көрүү түмүгүн таһаарда. Кыайыылаахтарга уонна бары кыттыбыттарга өйдөбүнньүк бириистэри туттарда.
– Эһиги олоххутун тыа сирин, тыа хаһаайыстыбатын сайыннарыыга анааҥҥыт, талан ылбыт идэҕитинэн өр сыллар усталарыгар уонна бэриниилээхтик үлэлээбиккит. Өрөспүүбүлүкэ агробырамыысыланнай комплексын сайыннарыыга бигэ тирэх уонна үтүө холобур буолаҕыт. Эһиги үлэҕитин биһиги сыаналыыбыт уонна салгыыбыт, саҥа технологиялары киллэрэбит уонна тыа хаһаайыстыбатын табаарын оҥорооччулары өйүүбүт, – диэтэ миниистири солбуйааччы Айаал Тимофеев.
Хаартыска: Тыа хаһаайыстыбатын уонна ас-үөл бэлиитикэтин министиэристибэтин пресс-киинэ.
-
1
-
0
-
0
-
0
-
0
-
0
