1970-с сс. саҕаланыыларыгар эдэркээн Надя кыыс ыраах Омскай куораттан биэлсэринэн ананан үлэлии кэлбитэ. Оччолорго ыччаттар таба иитиитигэр күргүөмүнэн үлэлии тахсаллара, табаһыт уолаттар медик, бэтэринээр кыргыттары кэргэн ылан, ыал буолаллара.
Надежда Августовна Өлөөн сирин-уотун, дьонун-сэргэтин сөбүлээн, олохтоох уолга кэргэн тахсан олохсуйа хаалбыта. Ол кэмтэн элбэх хаар түһэн ааста, сыл- хонук диэн бэргэн этии баар. Николаевтар түөрт оҕону төрөтөн, иитэн-такайан үлэһит дьон үтүөтэ оҥорбуттара. Билигин Кирбэй нэһилиэгин дьоһун ыала буолан олороллор.
Элбэх оҕолоох ыал кыра уолларын Миша, кийиит Аля обургу оҕолоро Коля, Вася дьоннорун кытта тэбис тэӈӈэ чохороон сүгэ тутуурдаах күөлгэ муус ылыытыгар көмөлөһө сылдьалларын хаста да түбэһэ түһэн көрбүттээхпин, сиэн уол Коля сүрдээх үөрүйэхтик туттара. Оҕолору кыраларыттан батыһыннара сылдьан үлэҕэ үөрэтии биир холобурун Николаевтар дьиэ кэргэннэригэр көрөбүт. Оҕолор улаатан үлэһит киһи буолан төрөөбүт түөлбэлэрин сайдыытыгар күүс-көмө буолуохтара турдаҕа.
Надежда Колодезникова, Өлөөн.
Хаартыскалары ааптар ыытта.
-
0
-
0
-
0
-
0
-
0
-
0
