Мунньахха Саха сирин өрүстэригэр хаар халыҥын туһунан иһитиннэрдилэр. Бу айылҕа көстүүтэ халааҥҥа тиэрдиэн сөп. Билигин Өлүөнэҕэ, Алдаҥҥа, Халымаҕа муос халыҥа нуорматын 10-40 см куоһаран турар. Онон өрүс устуутун кэмигэр муус харар куттала үөскүүр.
Халааны туоратар, ууну этэҥҥэ аһардар туһуттан профильнай тэрилтэлэр (Өлүөнэтээҕи уу түөлбэтин салаата, ЫБМ министиэристибэтин Саха сиринээҕи салаата, Арассыыйа айылҕатын кэтэбилэ, Арассыыйа тэхиньиичэскэй кэтэбилэ, Арассыыйа балыктааһынын салаата) гидро-тэхиньиичэскэй тутуулары, бырамыысыланнас уонна хаһаайыстыбаннай эбийиэктэри бэрэбиэркэлиэхтэрэ.
Өрөспүүбүлүкэ үрдүнэн 77 муус харыан сөптөөх учаастага быһаарыллыбыт. Манна 31,7 мөл. солк. суумалаах мууһу хараардыы уонна кэбирэтии үлэлэрэ бараллара былааннанар.
Балаһыанньа кэтэбилигэр гражданскай авиация 10 сөмөлүөтүн уонна Арассыыйа ЫБМ министиэристибэтин 1 сөмөлүөтүн бэлэмнээбиттэр.
Быһа барыллаан ааҕыынан, быйыл саас 24 улуус 123 нэһилиэнньэлээх пууна ууга барар кутталлаах. Онон балаһыанньа чахчы кытаанах, суһал быһаарыныылары ирдиир.
-
0
-
0
-
0
-
0
-
0
-
0
