Издательский дом Редакция Подписка
Погода в Якутске: . -11 oC

16 саастарын туола илик оҕолор уопсастыбаннай тырааныспарга билиэттэрин төлөөбөтөхтөрүн иһин суоппардар кинилэри үүрэн кэбистэхтэринэ, ыстараап төлүүр буолуохтара.

16 саастарын туола илик оҕолор уопсастыбаннай тырааныспарга билиэттэрин төлөөбөтөхтөрүн иһин суоппардар кинилэри үүрэн кэбистэхтэринэ, ыстараап төлүүр буолуохтара.

Сокуон  бырайыагар  маҥнай утаа тимир суолга быраабыланы кэстэххэ, ыстараап көрүллэр диэн этэ. Тимир суол территориятыгар  киириигэ ветофор кыһыл уота умайбытын үрдүнэн быраабыланы кэһэр буоллахха,  5 тыһ. солк. ыстыраап  ууруллар. Итини тэҥэ, өссө  тимир көлөнү ыытарга быраабы биэрэр докумуонтан да матыахха сөп.

Санатар буоллахха,   быйыл кулун тутар 7 күнүгэр уопсастыбаннай тырааныспар суоппара билиэти төлөөбөтөх сокуоннай сааһын ситэ илик оҕону  үүрүө суохтааҕын туһунан сокуон   олоххо киирбитэ.  Ити сокуон чэрчитинэн, Госдума дьокутааттара 16 сааһын туола иликтэри уопсастыбаннай тырааныспартан суоппар эбэтэр кондуктар үүрэр түгэнигэр,  5 тыһ. солк., онтон тэрилтэ салайааччыта 20-30 тыһ. солк. ыстарааптаныахтаахтарын туһунан эбии көннөрүүнү киллэрэри туруорустулар. Бу көннөрүү ааптардарынан  Госдума вице-спикерэ  Игорь Лебедев (РЛДП), «Биир ньыгыл Арассыыйа» баартыйа фракциятын салайааччытын солбуйааччы  Андрей Исаев,  Госдума  иһитиннэрии бэлиитикэтигэр, иһитиннэрии технологиятыгар уонна сибээсэ кэмитиэтин бэрэссэдээтэлэ Александр Хинштейн («Биир ньыгыл Арассыыйа») уонна РЛДП  фракциятын  салайааччытын солбуйааччы,  Госдума  үлэҕэ, социальнай бэлиитикэҕэ уонна бэтэрээннэр дьыалаларыгар  кэмитиэтин бэрэссэдээтэлэ  Ярослав Нилов буолаллар.

Саха сириттэн Госдума дьокутаата Федот Тумусовтан  төлөпүөнүгэр эрийэн, ити көннөрүүгэ кэмэнтээрийдииригэр ыйыталаспыппытыгар, «16 сааһын туола илик оҕо  уопсастыбаннай тырааныспарга билиэти төлөөбөтөх да буоллаҕына, суоппар кинини үүрүө суохтааҕын туһунан сокуон киирбитэ ордук Саха сирин тыйыс кыһыныгар  саамай сөптөөх. Кыһын 40-50 кыраадыс тымныыга Дьокуускай куоракка суоппар оптуобустан оҕолору үүрэрэ адьас сатаммат. Салгыы быһаарар буоллахха, тустаах сокуоҥҥа  билиэттэрэ суох оҕолору үүрбүт суоппар уонна тустаах тэрилтэ ыстарааптаныахтааҕын туһунан көннөрүү иккис ааҕыытын Госдумаҕа  дьокутааттар муус устар 6 күнүгэр ылыммыттара.  Сотору кэминэн үһүс ааҕыыта ылыллан, олоххо киириэҕэ», - диэн хоруйдаата.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением