Саха сиринээҕи гидрометкиин кэтээн көрүүтүнэн, Саха сиригэр Өлүөнэ мууһа ыам ыйын 12-13 күннэригэр кэлиэҕэ. Ленскэй уонна Өлүөхүмэ оройуоннарын аттынан өрүс уутун таһыма биллэрдик үрдүү турар. Нүүйэҕэ муус абына-табына устар. Уу таһыма 345 см буолбут. Өлүөхүмэ өрүскэ муус Куду Күөл аттынан кэлэн уста сытар. Алдан өрүскэ уу таһыма 10-80 см үрдээбит. Томмот аттынан көмүөл ыам ыйын 10-11 күннэрин диэки хамсыаҕа. Амма өрүс мууһа Алдан уонна Амма оройуоннарын сирдэринэн-уоттарынан хамсыыр. Бүлүү өрүс уутун таһыма биллэрдик үрдээбит.
- 0
- 0
- 0
- 0
- 0
- 0