Саха сирэ суола-ииһэ суох нэһилиэнньэлээх пууна ханнык да эрэгийиэннээҕэр элбэх. Онон сырыы суох сирдэригэр балаҕан ыйын 1 күнүттэн биэрэпис хампаанньата саҕаланна уонна ахсынньы 20 күнүгэр түмүктэниэҕэ
Билиҥҥитэ 17 улуус 156 нэһилиэнньэлээх пуунугар биэрэпис бара турар. Анал үөрэҕи барбыт биэрэписчиттэр 8108 эбийиэги кэрийэн, 28273 киһи дааннайын киллэрдилэр. Ханнык омуккун, дьиэ кэргэн балаһыанньатын, олорор усулуобуйаҕын, хас тылы билэргин, туох үөрэхтээххин, идэлээххин, гражданствоҕын, хамнаскын эҥин туһунан чахчылары туох да бигэргэтэр докумуона суох аҥаардас тылгыттан суруналлар.
Быйылгы биэрэпис уратыта диэн, “Госуслуги” портал нөҥүө бэйэҥ толоруоххун сөп. Хомуллубут сибидиэнньэлэри Росстакка биэрэллэр. Бу чопчу ханнык киһи хоруйа буолара биллибэт буолуоҕа. Онон баар чахчыны кырдьыгынан кыбыстыбакка этэргит оруннаах.
-
0
-
0
-
0
-
0
-
0
-
0
