«Бу хас да туонна сыаналаах таһаҕас», - диэтэ Саха сирин парламенын бэрэссэдээтэлин солбуйааччыта. «Кинигэ чопчу духуобунай баайа сыаналанар. Маны таһынан, ыраах сытар сэлиэнньэлэргэ бибилэтиэкэ хааччылыыта ситэтэ суох, интэриниэт, сибээс мөлтөх. Кинигэ – муударас ситимэ, оттон бибилэтиэкэ – ханнык баҕарар нэһилиэнньэлээх пуун сүрэҕэ. Тыа сирин бибилэтикэлэригэр туһуламмыт «Үтүө дьыала марафона» чэрчитинэн, «Молодежки ОНФ» ыыппыт аахсыйата, нэһилиэнньэ интеллектуальнай, духуобунай сайдыытыгар тугунан да кэмнэммэт суолталаах», - диэн Антонина Григорьева бэлиэтээтэ.
Норуот дьокутаата «Молодежь ОНФ» волонтердара ааспыт сыл атырдьах ыйыгар ойуур баһаарыттан эмсэҕэлэммит сэлиэнньэ олохтоохторугар көмөлөспүттэрин туһунан сырдатта. Дойду араас эрэгийиэннэрин доброволецтара атырдьах ыйыгар икки нэдиэлэ устата, оттон салгыы алтынньыга, сэлиэнньэни чөлүгэр түһэрэргэ үлэлэспиттэрэ, баһаар содулларын суох оҥорбуттара. Саха сирин М.К. Аммосов аатынан ХИФУ устудьуоннара суобуотунньуктары ыытан, барыта 14 куб. тутуу бөҕүн ыраастаабыттара. «Ити тугунан да сыаналаммат көмө», - диэтэ парламентарий.
Саха сирин парламенын вице-спикерэ «Росатом» Госкорпорацияҕа, «Российские железные дороги», ОНФ доброволецтарыгар уонна бары партнердарга социальнай аахсыйалары тэрийэн ыыппытарыгар, кэмигэр сөптөөх көмөнү оҥорбуттарыгар, туора турбатахтарыгар махтанна.
-
0
-
0
-
0
-
0
-
0
-
0
